Push Admin

Balak na pagbawas sa overseas deployment ng Pinoy nurses inalmahan

Article (news)

ABS-CBN News

<figure class="op-interactive"><iframe src="https://www.youtube.com/embed/JioNRMMp87Q?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Inalmahan ng isang grupo ng mga nurse ang plano ng Department of Labor and Employment (DOLE) na bawasan ang deployment o pagpapadala ng mga Pinoy nurse sa ibang bansa.</p><p>Dapat tugunan muna ang mga problemang kinahaharap ng mga nurse dito sa Pilipinas para hindi na sila umalis, ayon sa grupong Filipino Nurses United (FNU).</p><p>Nangingibang bansa ang mga nurse dahil 16 oras ang inilalaan sa trabahong kontraktuwal na may sahod na P9,000 hanggang P12,000.</p><p>&quot;Just living wage at saka &#x27;yong humane work condition... &#x27;di na nga sila makapagbigay noon tapos pipigilan pa nila ang ating nurses na mangibang bansa, parang double jeopardy naman &#x27;yon,&quot; ani FNU president Eleonor Nolasco.</p><p>Isinusulong ng FNU na gawing P30,000 ang starting salary ng mga nurse at bigyan ang mga ito ng proteksiyon para hindi maabuso ng mga ospital.</p><p>Inihayag <a href="https://news.abs-cbn.com/news/06/12/19/deployment-ng-mga-pinoy-nurse-sa-ibang-bansa-balak-bawasan">noong nakaraang linggo</a> ni Labor Secretary Silvestre Bello III na pinag-aaralan ng gobyerno kung paano mababawasan ang deployment ng mga Pinoy nurse abroad.</p><p>Pero nilinaw ni Bello na walang deployment ban at hinihikayat lang nila ang mga nurse na magserbisyo rito sa Pilipinas.</p><p>May plano rin daw ang gobyerno na tugunan ang mga problema ng mga nurse.</p><p>&quot;We also consider increasing their salaries,&quot; ani Bello.</p><p>&quot;There will come a time I will conduct a coordinated inspection of these hospitals, huhulihin namin sila,&quot; dagdag ng kalihim.</p><p>Tiniyak naman ni Bello na bukas pa rin ang Pilipinas sa pakikipag-usap sa mga bansang nais kumuha ng mga Pinoy healthcare professionals.</p><p>Isang summit rin ang nakatakdang ipatawag ng DOLE sa susunod na buwan para matalakay ang mga problema at pangangailangan ng mga nurse sa bansa.</p><div><strong>--Ulat ni Zen Hernandez, ABS-CBN News</strong></div>

<p>Inalmahan ng grupo ng mga nurse ang planong bawasan ang pagpapadala ng mga Pinoy nurse sa ibang bansa.</p>

Inalmahan ng grupo ng mga nurse ang planong bawasan ang pagpapadala ng mga Pinoy nurse sa ibang bansa.