Push Admin

Lalaking nasagasaan ng bus sa Imus, nasa malubhang lagay

Article (news)

Wheng Hidalgo, ABS-CBN News

Labis ang pag-aalala ni Joseph De Vera para sa kanyang 53-anyos na kuyang si Edwin De Vera na isang animation instructor dahil hanggang ngayon ay malubha pa rin ang kalagayan nito matapos maaksidente sa daan. Noong Mayo 21, kita sa CCTV video ng Imus, Cavite, na binabaybay ni Edwin ang Aguinaldo Highway sakay ng kaniyang e-scooter.Pagdating ng intersection ng Aguinaldo Highway at Daang Hari, dumaan din ang isang bus at nasagi si Edwin saka nagulungan.Bumagsak si Edwin sa kalye habang dumeretso ang bus saka huminto sa tabi.Lumapit ang mga traffic enforcer sa lugar at tinulungan si Edwin hanggang sa dumating ang ambulansya.Ayon sa traffic enforcer na si Jeffrey Bautista, hindi nila ginalaw si Edwin dahil baka mapasama pa ito. Pero tumawag agad sila sa ambulansya at pina-hold ang driver ng bus. “&#x27;Yung tao halos hindi namin magalaw, nakadapa. Medyo &#x27;yung helmet niya may crack. &#x27;Yung bus driver po kinuha namin agad ang lisensya, ORCR at tinawag po agad ng traffic investigation,&quot; ani Bautista.Ayon sa kapatid ni Edwin na si Joseph, nakalagay sa medico-legal report na napinsala ang balikat at ulo ni Edwin. “Nagulungan po ang ulo, buti na lang daw may helmet. Although may damage siya kasi may blood clot siyang kaunti sa brain tapos may dislocated bone sa upper spine tapos &#x27;yung mata niya duling kasi parang dislocated din ang eye ball tapos pandinig niya mahina,&quot; aniya.Sabi naman ng hepe ng Imus police na si PLt. Col Junar Alamo, nakasuhan ang driver pero nakapagpiyansa na, habang naka-impound naman ang bus. “Yes po nakasuhan, inquested po &#x27;yan, reckless imprudence resulting to serious physical injuries. Court order po bago ma-release ang bus na &#x27;yon, kailangan ng intermission ng korte,” aniya.Sa pakikipag-ugnayan nina Joseph sa bus company, nag-alok naman daw ito ng tulong pinansyal pero kalaunan ay hindi na raw nakipag-usap sa kanila. “Inoferan nila kami ng 100K &#x27;yun lang daw ang kaya nilang ibigay na financial support. Hindi namin tinanggap kasi that moment 600K billing namin sa ospital. Ang final decision nila is 200K which is hindi rin namin tinanggap, so mula noon hindi na kami nakakuha ng response,&quot; sabi ni Joseph.Sa ngayon ay nasa P1.7 milyon na raw ang bayarin nila sa ospital.Pinuntahan ng news team ang tanggapan ng bus company sa Pasay City at sa Trece Martires para kunin ang kanilang panig pero walang humarap para makipag-usap.Nanawagan ng tulong-pinansyal ang pamilya ni Edwin para sa kanilang gastusin sa ospital at pambili ng kaniyang mga gamot.<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1661125" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div>

Malubha ang kalagayan ng isang lalaki matapos masagi at masagasaan ng isang bus sa Imus, Cavite. Nananawagan ng tulong ang kanyang pamilya.

Lalaking nasagasaan ng bus sa Imus, nasa malubhang lagay

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

News

Lalaking nasagasaan ng bus sa Imus, nasa malubhang lagay

Wheng Hidalgo,

ABS-CBN News

Published June 17, 2022 06:43 PM PHT

Read More:

Tagalog news

accident

Imus

Cavite

regions

regional news

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.