Push Admin

Metro Manila LGUs naghahanda na para sa 'distance learning'

Article (news)

ABS-CBN News

MAYNILA - Naghahanda na ang mga lokal na pamahalaan sa Metro Manila, sa napipintong pagpapatupad ng “distant” at “blended” learning methods simula Agosto 24, ngayong kinakailangang ipamahagi ang iba’t ibang aparato para makasabay sa mga aralin ang mga estudyante.Magsasagawa ng blended learning methods ang gobyerno ngayong bawal muna ang face to face classes sa harap ng banta ng coronavirus disease 2019 (COVID-19)Halong offline at online learning ang blended learning kaya ang ibang LGU, naglaan ng budget para mabilhan ng gadgets ang mga estudaynte.Ang Pasig City, maglalaan ng P1.2 bilyon para rito. Bibigyan umano ng mga tablet o kaya laptop ang mga estudyante, ayon sa alkaldeng si Vico Sotto.Maglalaan naman ng P994 milyon ang lokal na pamahalaan ng Maynila para bilhan ng mga tablet ang mga estudyante mula Kinder hanggang High School.Ayon kay Manila Mayor Isko Moreno, maglalaan sila ng gadget sa bawat kabahayan na may nangangailangang estudyante.Papasukan din nila anila ito ng sim card na maaaring paglagyan ng Internet connection.Pili lang ang mga estudyanteng bibigyan ng gadget sa Parañaque, Marikina, at Quezon City, partikular na sa mga mas batang estudyante bilang “visual” ang pamamaraan umano ng kanilang learning methods, batay sa rekomendasyon ng Department of Education (DepEd).Printed modules ang gagamitin sa pag-aaral ng mgahindi mabibigyan.Sa Makati, learning materials at flash drive na may laman nang mga lesson ang ipapamigay sa mga estudyante.“Ang issue ko sa tablet - how sure are you that it will be used for educational purposes? It is very very tempting to download so many games so many apps to distract your kids when you have a tablet?” Paliwanag ng alkaldeng si Abby Binay.Modular learning naman ang gagawin sa Navotas, Las Piñas, at Malabon dahil wala umanong budget para bumili ng gadgets.“Pasensya na po di natin kakayanin yan. We have 48 thousand elementary and high school students, we wont be able to give them tablets,” ani Navotas Mayor Toby Tiangco.Streaming school naman ang tugon ng Valenzuela sa kanilang online learning methods.“The concept is we are going to set up a streaming school wherein the teachers will be in the classroom teaching minus the audience. And then we are going to stream it, and for the children to log on to their handheld devices and watch the lectures,” ani Valenzuela mayor Rex Gatchalian.Ang Department of Information and Communications Technology naman ang maglalaan ng gadgets sa San Juan City, na siyang &quot;pilot city&quot; ng &quot;Free WiFi for all” program ng ahensiya.“Kasama dito ay ang pag-supply nila ng tablets para sa public school students. So sila po ay maglalaan ng pondo para sa 11,000 tablets para sa ating public schools,” ani San Juan Mayor Francis Zamora.Ang Taguig, Muntinlupa, Mandaluyong, Caloocan, at Pateros, pinag-aaralan pa kung kailangan nilang bumili ng gadget para sa kanilang mga mag-aaral.Sa ngayon, gagamit muna ng printed modules ang Pasay City habang pinag-aaralan pa ng LGU kung bibili rin sila ng gadgets.“May isinasagawang survey ukol dito (pagbili ng gadgets) upang maging batayan sa pagdedesisyon ng pagbili ng tablet,” ani Pasay Mayor Emi Calixto-Rubiano.Sa ngayon, aabot na sa 12,282,229 ang mga kabataan na nakapag-enroll sa elementary at high school magmula alas-8 ng umaga ng Huwebes, batay sa datos ng DepEd.<div>-- Ulat ni Jasmin Romero, ABS-CBN News</div>

MAYNILA - Naghahanda na ang mga lokal na pamahalaan sa Metro Manila, sa napipintong pagpapatupad ng “distant” at “blended” learning methods simula Agosto 24, ngayong kinakailangang ipamahagi ang iba’t ibang aparato para makasabay sa mga aralin ang mga estudyante.

MAYNILA - Naghahanda na ang mga lokal na pamahalaan sa Metro Manila, sa napipintong pagpapatupad ng “distant” at “blended” learning methods simula Agosto 24, ngayong kinakailangang ipamahagi ang iba’t ibang aparato para makasabay sa mga aralin ang mga estudyante.