Kaarawan ni Jose Rizal, ginunita

MANILA - Ipinagdiwang sa iba't ibang bahagi ng Calamba, Laguna ngayong Lunes ang ika-156 na anibersaryo ng kaarawan ng pambansang bayaning si Jose Rizal.

Sentro ng selebrasyon ang Rizal Shrine, kung saan matatagpuan ang bahay ng pamilya ng pambansang bayani.

Sentro ng selebrasyon ng Ika-156 kaarawan ni Jose Rizal, isinasagawa sa tahanan nito sa Calamba, Laguna | via @dzmmPatrol44 pic.twitter.com/BPzpHlAMG0

— DZMM TeleRadyo (@DZMMTeleRadyo) June 19, 2017

Alas-7 ng umaga nang mag umpisa ang pagdiriwang sa pamamagitan ng pag-aalay ng bulaklak doon at sa iba pang bantayog ni Rizal.

Panauhing pandangal sa okasyon si Philippine National Police chief Director General Ronald "Bato" dela Rosa at mga lokal na opisyal ng Calamba.

PNP Chief Dela Rosa, panauhing pandangal sa ika-156 kaarawan ni Gat Jose Rizal sa Calamba, Laguna | @dzmmPatrol44 pic.twitter.com/SrfVEuEiyV

— DZMM TeleRadyo (@DZMMTeleRadyo) June 19, 2017

Kapansin-pansin naman ang bulaklak na alay ni Pangulong Rodrigo Duterte na inilagay sa estatwa ng batang Rizal.

Bulaklak na alay ng Pangulong Duterte, itinabi sa rebulto ng batang Jose Rizal sa Rizal Shrine sa Calamba, Laguna | via @dzmmPatrol44 pic.twitter.com/gmmBToMvwN

— DZMM TeleRadyo (@DZMMTeleRadyo) June 19, 2017