Push Admin

May-ari ng sasakyang nanagasa umano ng traffic enforcer, tukoy na

Article (news)

ABS-CBN News

<figure class="op-interactive"><iframe allowfullscreen="" frameBorder="0" height="315" src="https://www.youtube.com/embed/584-x06IChI" width="560"></iframe></figure>Tinukoy na nitong Martes ang may-ari ng sasakyang naging viral sa social media matapos itong managasa umano ng isang traffic enforcer sa Taytay, Rizal nitong Biyernes.Ayon sa traffic enforcer na si Gilbert Realubit ng Taytay Traffic Management Group, hinuli nila ang driver ng isang pulang SUV na may plate no. AJA 4427 dahil nag-counterflow ito.Pero ayaw umanong tumigil ng sasakyan at binunggo ang mga traffic enforcer na humaharang dito.“Galit na galit po talaga siya eh. Ang sinabi po sa akin, ‘Umalis ka diyan. Hindi kita kailangan. Hindi niyo makukuha lisensya ko.’ Iyun lang, pumunta nga po ako sa harapan ng kotse niya then yun na nga po, nagbubusina siya, binubundol bundol niya na nga po ako,” ani Realubit.Ayon naman kay Atty. Francis Almora, direktor ng Land Transportation Office-Law Enforcement Service, natukoy na ang may-ari ng sasakyan.Nagpadala na ang ahensya ng summons sa may-ari upang matukoy ang driver sa panahon ng insidente.“Na-identify na po natin ‘yung registered owner po pero yung driver po, on process po, isa-summon po iyung registered owner para po siya yung mag-identify ng registered owner at the time po,” ani Almora.Bibigyan ng tulong ng LTO ang nasagasaang traffic enforcer.“Kasama po natin iyan na nagmamando sa traffic. Magsu-support po ang LTO sa kanila,” ani Almora.Desidido namang magsampa ng kaso ang biktima.“Opo, kakasuhan ko po siya,” ani Realubit.Ayon naman kay Almora, administribong kaso lang ang maisasampa ng LTO sa suspek.“Ang sa amin lang po ay administrative lang po. Either suspension or revocation of license. Kasama po [ang ibang kaso] under Revised Penal Code,” ani Almora.

Tinukoy na ang may-ari ng sasakyang naging viral sa social media matapos itong managasa umano ng isang traffic enforcer sa Taytay, Rizal nitong Biyernes.

Tinukoy na ang may-ari ng sasakyang naging viral sa social media matapos itong managasa umano ng isang traffic enforcer sa Taytay, Rizal nitong Biyernes.