Push Admin

Sundalo, 'bakwit', ikinasal sa evacuation center

Article (news)

ABS-CBN News

<h3> Kuwento ng pag-ibig, paglilingkod sa kabila ng isang buwang bakbakan</h3>* Kasalan idinaos sa evacuation center * Mga bumbero, isinakripisyo ang firetruck para mabuhay * Daycare workers, nag-aaral mag-Maranao para maturuan ang mga batang &#x27;bakwit&#x27;<figure class="op-interactive"><iframe allowfullscreen="" frameBorder="0" height="315" src="https://www.youtube.com/embed/iTpkyVByCmg" width="560"></iframe></figure>Isang buwan mula nang pumutok ang bakbakan sa pagitan ng mga puwersa ng militar at Maute group sa Marawi City, patuloy na bumabangon ang ilang mamamayan ng lungsod.Sa kabila ng bakbakan, pinatunayan nila na kaya pa ring ipamalas ang pagmamahal at paglilingkod sa kapwa. <ul class="op-related-articles">	<li>READ: <a href="http://news.abs-cbn.com/news/06/23/17/sundalo-at-bakwit-nagpakasal-sa-kabila-ng-gulo-sa-marawi">Sundalo at bakwit, nagpakasal sa kabila ng gulo sa Marawi</a></li></ul>Kasalang sundalo-&#x27;bakwit&#x27; sa evacuation center Sa kabila ng kaguluhan sa Marawi City, pinatunayan ng isang sundalo at isang evacuee na walang digmaan ang makapipigil sa kanilang pagmamahalan. Sa Marawi City unang nadestino si Pfc. Roy Bantasan. Doon niya rin nakilala si Charo Jane Balabat na nakatira lang malapit sa kanilang kampo. Isang taon silang naging magkasintahan at nitong Abril, niyaya ni Bantasan si Balabat na magpakasal sa Hunyo 16. Handa na ang lahat pero sumiklab ang bakbakan sa Marawi. Inilikas muna ni Bantasan ang pamilya ni Balabat bago sumabak sa pakikipagbakbakan sa Maute group. Kuwento ni Bantasan, nagtatampo na ang kanyang mapapangasawa dahil wala na siyang panahon sa kanya. Labis naman ang pagkabahala ni Balabat sa kaligtasan ng kanyang magiging asawa. Pero nang pahintulutan si Bantasan na mag-leave, agad niyang hinanap si Balabat sa evacuation center para tuparin ang pangako. Natuloy din ang kanilang pag-iisang dibdib noong Hunyo 17. Napaiyak ang dalawa sa tuwa lalo&#x27;t natuloy ang kasalan sa kabila ng mga pagsubok. Sa evacuation center ang venue at nagtulong-tulong pa ang mga lumikas para kahit papaano&#x27;y maging maayos ang pagdarausan ng seremonya. Itutuloy na lamang anila ang kanilang honeymoon kapag malaya na ang Marawi.<div>Mga miyembro ng BFP, malungkot dahil di magawa ang trabaho</div>Sinariwa ng ilang mga miyembro ng Bureau of Fire Protection (BFP) sa Marawi ang naging karanasan nila sa pagtakas mula sa mga miyembro ng Maute group.Isang buwan na ngayon ang itinuturing nilang ikalawang buhay. Pero tila may kulang pa rin anila dahil paralisado ang kanilang operasyon dahil hindi makapasok sa bakbakan at iisa na lang ang firetruck nila mula nang kunin ng armadong grupo kapalit ng kanilang mga buhay. Kuwento ng hepe ng BFP sa Marawi na si SFO4 Gary Mueco, nagawa niyang makatakas mula sa armadong grupo sa tulong ng kanyang staff.&quot;Lahat ng mga tao ko, sinabihan ko na i-deny nila ako sakaling papasukin tayo, kasi ang hinahanap [ay] mga hepe, lalo na ang Christian,&quot; ayon kay Mueco.Pinagsuot din si Mueco ng mga Muslim ng kimon, isang religious attire, para makatakas. Napilitan din ang mga tauhan na ikaila na sila ay mga BFP personnel para hindi patayin. Nasubok din ang pagiging lider at &quot;ama&quot; ni Mueco sa kanyang mga tao nang kinailangan niyang pumili sa pagitan ng buhay ng mga tao niya, o kanilang fire truck na hinihingi ng armadong grupo. &quot;Sabi nila ‘pag hindi mo naipahiram ang firetruck ninyo, gawin lang namin barricade, lahat kayo raratratin, isama ko na station ninyo sunugin, so nakapagdesisyon ako sa oras na iyon kasi buhay ang nakataya sa mga personel ko,&quot; kuwento ni Mueco.Samantala, patuloy pa rin ang pagpasok ni FO2 Maria Estrelieta Lara sa BFP bagaman iilan lamang ang nadala niyang damit dahil siya ay ‘bakwit’ na rin.Mula noong araw na magsimula ang bakbakan, araw-araw nang ibinubuwis ni Lara ang kanyang buhay upang makapagligtas ng mga naipit sa gulo.“Nu&#x27;ng unang mga araw pa lang, kami ‘yung naggagamot. Wala pa kasing mga nurse noon… kahit mahirap, kinakaya. This is what we pledged for, to serve the community,&quot; ani Lara.Pero kahit nakaligtas na, tila may kulang pa rin para kina Lara at Mueco dahil hindi nila magampanan ang sinumpaan bilang mga bumbero. Ayon sa kanila, araw-araw nakikita nila mula sa malayo ang mga malalaking sunog at naaabong ari-arian sa kanilang bayan, pero wala silang magawa. &quot;Pinapanuod na lang namin, kasi hindi pumapayag ‘yung military. Bilang [may] dugo na pamatay sunog, tagal ko sa serbisyo, hindi ko matiis kung may sunog… pero sa sitwasyon, pinigilan namin dahil kami din ang mapahamak,&quot; kuwento ni Mueco na pinipigil ang luha. Isang firetruck na lang ang meron sila ngayon na ginagamit sa pagrarasyon ng tubig at retrieval operation. Sa tala ng BFP, nasa 300 na ang mga gusali na nasunog at higit P60 milyon na rin ang halaga ng ari-ariang naapektuhan. Pero ayon kay Mueco, Lara at buong tropa ng BFP, hindi sila patatalo at susuko sa mga karanasang ito, dahil naniniwala sila na muli silang makakabangon, at ang lungsod ay babalik ang sigla.<div>Daycare workers, nag-aaral mag-Maranao</div>Nag-aaral magsalita ng Maranao ang tatlong daycare workers sa Dumaguete City upang makapagturo sa mga evacuation centers.Isa sa mga nag-aaral si Gloria Torequemada ng Poblacion 8 Daycare Center. Apat na araw na siyang nagtuturo sa mga batang edad dalawa hanggang apat na taon ngunit hindi siya maintindihan ng mga ito.Dahil dito, pumupunta siya sa evacuation center malapit sa kanilang bahay upang matutunan ang pagsasalita ng Maranao sa pamamagitan ng pakikipag-usap sa magulang ng kanyang mga tinuturuan.Namamalagi ang mga bakwit sa Poblacion 8, Bajumpandan at Taclobo.Nais ng tatlong guro na nag-aaral ng Maranao na maturuan ang mga batang &#x27;bakwit&#x27; na bumilang, kumilala ng mga kulay, at iba pa.Pinuri naman ng Department of Education sa Negros Oriental ang kanilang pagpupursigi at pinaplano na rin nila na kumuha ng Maranao instructional materials upang magamit ng mga guro.Sa kasalukuyan, mayroong 25 estudyante mula Marawi na nag-aaral sa elementary at high school sa Marawi. Mayroon ding 10 estudyante sa daycare centers.<div>-- Ulat ni Roxanne Arevalo, Kori Quintos, Annie Perez, ABS-CBN News</div>

Sa kabila ng bakbakan, pinatunayan ng ilang mamamayan na kaya pa ring ipamalas ang pagmamahal at paglilingkod sa kapwa.

Sa kabila ng bakbakan, pinatunayan ng ilang mamamayan na kaya pa ring ipamalas ang pagmamahal at paglilingkod sa kapwa.