Push Admin

Lalaki, tinamaan ng bala ng sumpak; suspek, pusa, nasugatan din

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Nadamay din ang isang pusa nang pinaputok ang sumpak. ABS-CBN News" src="https://sa.kapamilya.com/absnews/abscbnnews/media/2023/news/06/25/sumpak.jpg"/><figcaption>Nadamay din ang isang pusa nang pinaputok ang sumpak. ABS-CBN News</figcaption></figure></div>Nakatambay lang sa isang eskinita sa Barangay 111 sa Tondo, ang 22 anyos na lalaking si Marjun Zantoa, Biyernes ng gabi — nang biglang paputukan ng sumpak o improvised shotgun.Kuha sa CCTV ang pagputok ng baril — at ang pagtama ng bala sa tuhod ng biktima pero napatakbo pa ito palabas ng eskinita.Nadamay din ang isang pusa na tila’y nangisay pa sa sakit. Nasugatan din ang mismong suspek.“Itong suspek nung magpaputok ng alleged sumpak… Sumabog sa kamay niya kaya sumabog &#x27;yung kamay ng suspek natin,” ayon kay PEMS Richard Escarlan ng Manila Police District Station 1.Ayon sa ama ng biktima, madalas magpaputok ng baril ang suspek lalo na kapag umano’y nakagamit ito ng iligal na droga — bagay na iniimbestigahan pa ng mga pulis.“Base sa statement ng witness tsaka complainant natin, nagsisiga-sigaan ito sa lugar. Palaging nagpapaputok ng sumpak o baril. Hindi niya inaalintana kung sino ang tatamaan,” ani Escarlan.Pero humingi na raw ito ng pasensya sa pamilya ng biktima.“Sabi niya, ‘di naman sadya. Oo nga, andun na kami, pero paano kung namatay anak ko? Sana ‘di na maulit kasi ang daming mga bata dito sa amin. Sana ‘di na siya magpapaputok,” ayon kay Arnaiz Zantoa, ama ng biktima.Plano ngayon ng mga otoridad na paigtingin ang pagpapatrol sa lugar, para maiwasan ang mga ganitong klaseng pangyayari.“Kaya meron tayong kampanya laban sa loose firearms, kahit anong iligal na paputok o baril. Sinisikap naman ng kapulisan na hindi na mangyayari ang ganitong insidente at wala nang madadamay at tsaka wala na ring mang-aabuso,” ani Escarlan.Hinahanap pa ng mga pulis ang ginamit na improvised shotgun ng suspek na kasalukuyan pang nagpapagamot sa ospital.Makakasuhan ito ng frustrated homicide.<div>— Ulat ni Andrea Taguines, ABS-CBN News</div>

Ayon sa ama ng biktima, madalas magpaputok ng baril ang suspek lalo na kapag umano’y nakagamit ito ng iligal na droga — bagay na iniimbestigahan pa ng mga pulis.