Push Admin

1,000 kahon ng 'toxic katol', nasamsam sa Pasig

Article (news)

ABS-CBN News

<p>Tinatayang nasa 1,000 kahon ng hindi rehistradong mosquito repellent o katol ang nasamsam ng Food and Drug Administration (FDA) sa Pasig City nitong Miyerkoles dahil masama umano sa kalusugan ang mga produkto kapag nalanghap.</p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/06/27/06262018-toxic-katol-1.jpg"/></figure></div><p>Kasama ang Regional Mobile Force Battalion ng National Capital Region Police Office (NCRPO), inisa-isa ng mga taga-FDA ng stalls sa palengke ng Pasig.</p><p>Nagulat ang mga may-ari ng tindahan nang kumpiskahin ang kanilang mga panindang &quot;Wawang Katol&quot; na ilang buwan na umano nila Ibinebenta.</p><p>&quot;Kung alam ko lang, bakit ako bibili para magtinda niyan,&quot; ani Agakhan Disimban, may-ari ng tindahan.</p><p>Ayon sa ilang vendors, mabenta ang mga katol brand na Wawang, Baoma, at Gold Deer dahil mas mura ito kumpara sa iba.</p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/06/27/06262018-toxic-katol-2.jpg"/></figure></div><p>&quot;Magaling daw &#x27;yun dahil pagdapo ng lamok, patay na,&quot; pagbabahagi ni Julie Cotelo, isang tindera. </p><p>&quot;Okay lang, alam na namin na bawal kaya hindi na kami magtitinda,&quot; ani Norma Ogsimer, isa pang may-ari ng tindahan.</p><p>Sa establisimyento naman sa tapat lang ng palengke, itinanggi pa ng may-ari na nagtitinda sila ng Wawang pero tumambad sa mga awtoridad ang kahon-kahong katol sa kanilang stock room.</p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/06/27/06262018-toxic-katol-3.jpg"/></figure></div><p>Ayon sa FDA, hindi dahil mura o epektibo ang isang produkto ay dapat na itong tangkilikin.</p><p>&quot;Itong mga mosquito coils na ito ay bawal ibenta sa Pilipinas dahil hindi registered at may findings na hazardous sa kalusugan,&quot; ani Atty. Guillermo Danipog, Jr. ng FDA Regulatory Enforcement Unit.</p><p>Sa kabuuan, aabot sa halos 1,000 kahon ang nakumpiska na nagkakahalaga ng P60,000.</p><p>Inaalam pa kung saan nagmumula ang supply ng mga produktong galing China. <strong>-Ulat ni Jerome Lantin, ABS-CBN News</strong></p>

<p>Ayon sa FDA, hindi dahil mura o epektibo ang isang produkto ay dapat na itong tangkilikin.</p>

Ayon sa FDA, hindi dahil mura o epektibo ang isang produkto ay dapat na itong tangkilikin.