Push Admin

Naiturok na COVID-19 vaccine doses sa Pilipinas higit 10 milyon na

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1715881" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p><strong>(UPDATE) </strong>Umabot na sa higit 10 milyong doses ng bakuna kontra COVID-19 ang naiturok sa Pilipinas, base sa datos ngayong Lunes mula sa pamahalaan.</p><p>Higit 2.5 milyong indibidwal ang fully vaccinated na o nakatanggap ng 2 dose, habang higit 7.5 milyon naman ang naiturok na first dose.</p><p>Ayon kay vaccine czar Carlito Galvez, 250,000 doses kada araw na ang average na bilang ng mga bakunang naituturok sa Pilipinas.</p><p>Kung inabot umano nang 3 buwan bago naibigay ang unang 5 milyong doses, ang ikalawang 5 milyon naman ay naiturok na kahit hindi pa tapos ang kasalukuyang buwan. Marso 1 nang mag-umpisa ang pagbabakuna kontra COVID-19 sa Pilipinas.</p><p>Tiwala si Galvez na kayang mabakunahan ang hanggang 70 milyong indibidwal bago matapos ang 2021 para makamit ang herd immunity basta dumating sa bansa ang lahat ng biniling COVID-19 vaccine doses.</p><p>Nag-alok naman ang Valenzuela City ng tulong na magbakuna ng mga residente sa kalapit na probinsiyang Bulacan, ayon kay Mayor Rex Gatchalian.</p><p>Pero ito&#x27;y kapag natapos umanong bakunahan ang 70 porsiyentong populasyon ng lungsod bago matapos ang Nobyembre.</p><p>Malaking tulong din, ayon kay Galvez, sa pagpapabilis ng vaccination ang pagbabakuna ng nasa 300 pribadong kompanya.</p><p>Dumating na kasi sa Pilipinas noong gabi ng Linggo ang kauna-unahang batch ng mga COVID-19 vaccine mula Moderna, na binili ng pribadong sektor at gobyerno.</p><p>Sa halos 250,000 doses na lumapag sa Pilipinas, halos 100,000 ang binili ng mga kompanya sa pamamagitan ng International Container Terminal Services ng negosyanteng si Enrique Razon.</p><ul class="op-related-articles">	<li><a href="https://news.abs-cbn.com/news/06/27/21/philippines-moderna-covid-19-vaccine-arrival">PH receives initial delivery of 249,600 Moderna COVID-19 jabs</a></li></ul><p>Karamihan naman ng Moderna vaccines ng gobyerno ay dadalhin muna sa mga lungsod sa Metro Manila, ayon kay Galvez.</p><p>Bibigyang prayoridad umano sa Moderna vaccines ang overseas Filipino workers, kabilang ang seafarers.</p><p>Dumating na rin nitong umaga ng Lunes ang dagdag na 1 milyong doses ng Sinovac vaccines, na ipapamahagi sa mga lugar na may mataas na kaso ng COVID-19 sa Visayas at Mindanao.</p><p>Sa kabuuan, nasa higit 17 milyong doses ng COVID-19 vaccines na ang natanggap ng bansa.</p><p>Sa susunod na buwan, inaasahang darating na ang nasa 500,000 doses ng Pfizer vaccines, na unang batch mula sa 40 milyong doses na binili ng gobyerno.</p><p>May 6.5 milyong Sinovac doses din, 250,000 doses ng Moderna at 1.17 milyong dose ng AstraZeneca ang nakatakdang dumating sa Hulyo.</p><p>Posibleng sa susunod na buwan din ang dating ng higit 2 milyong AstraZeneca doses mula COVAX Facility, at mga donasyong bakuna mula Amerika at Japan.</p><p>Wala pa ring petsa kung kailan ang delivery ng naantalang Sputnik V component 2.</p><p>Samantala, pinag-aaralan na ng mga eksperto kung ano ang pinakamabuting booster shot o third dose ng bakuna kontra COVID-19.</p><p>&quot;Puwede ba itong dating bakuna? Puwede &#x27;yong bagong bakuna o &#x27;yong modified version? Actually 3 po ang pagpipilian diyan. Mayroon tayong guidelines from the [World Health Organization] para matukoy kung alin ang pinakamabuting third dose,&quot; ani Dr. Nina Gloriani ng vaccine expert panel.</p><p>Ayon kay Gloriani, lumalabas sa mga pag-aaral ngayon na umaabot ng higit 9 na buwan ang antibodies ng mga fully vaccinated individual.</p><p>Sinusundan aniya nila ang mga pag-aaral abroad kung aabot pa ito hanggang 1 taon.</p><div><strong>— May ulat ni Vivienne Gulla, ABS-CBN News</strong></div><div><strong>RELATED VIDEO</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1660536" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

<p>Ayon sa National Task Force Against COVID-19, bumibilis na ang pagbabakuna kontra COVID-19 sa Pilipinas.</p>

Ayon sa National Task Force Against COVID-19, bumibilis na ang pagbabakuna kontra COVID-19 sa Pilipinas.