Push Admin

SOCO: Mister tinutugis matapos umanong sunugin ang asawang dentista

Article (news)

ABS-CBN News

<div><script src="https://connect.facebook.net/en_US/sdk.js#xfbml=1&amp;version=v2.5" async="" type="text/javascript"></script></div><div class="fb-post" data-href="https://www.facebook.com/SOCOtv/videos/1702591033128141/" data-width="auto"> </div>Nagtamo ng third degree burns ang 43-anyos na dentista na si Evelyn Felix matapos umanong sunugin ng sariling asawa sa kanilang tahanan sa Camiling, Tarlac noong Marso 10, 2017.Mabilis na nakarating ang mga kaanak ni Evelyn sa pangyayari kaya naihatid sa ospital ang biktima. Rumesponde ang Camiling police sa insidente sa pangunguna ni SPO1 Mary Jane Isidro.“Since mag-asawa nga sila, baka nagkaroon ng pag-aaway na humantong sa pagsusunog,” ayon sa pulis.Base sa imbestigasyon ng mga awtoridad, hindi aksidente ang naganap na sunog.“Kung titingnan mo &#x27;yung gasolina, hindi naman ‘yun magliliyab kung walang sasadyain na sisilaban kasi wala naman doon na malapit na apoy since &#x27;yung lugar secure naman siya.&quot;Kalaunan ay pumanaw si Evelyn, pero bago ito ay nakapagsulat sa papel ang biktima ng sarili niyang bersiyon ng insidente.“Pinuntahan niya ang kaniyang asawa sa Brgy. Cacamilingan Norte doon sa garahe ng trucking [business] nila para makiusap para tulungan siyang magbayad doon sa mga babayararin o utang,&quot; ani Isidro.Doon na umano nagsimulang magtalo sina Evelyn at mister nitong si Christopher Felix.“So wala daw pera ang kaniyang asawa. Nagalit siya and nagkaroon sila ng pag-aaway. &#x27;Yung kaniyang asawa, parang may kinuhang galon na hinihinalang gasoline ang laman. Ibinuhos niya sa buong katawan ni doktora Evelyn at saka niya ito sinilaban.”Sa kontra-salaysay ni Christopher, nanindigan siyang wala siyang kasalanan. Si Evelyn daw ang kumuha ng galon ng gasolina para ibuhos ito sa mga gamit ni Christopher. Binanggit nitong kung nais raw niyang patayin ang kaniyang asawa ay pinabayaan na lang niya sana itong masunog.Dagdag ni Christopher, ang inilabas na &quot;dying declaration&quot; umano ni Evelyn ay hindi raw sulat-kamay ng ginang.Gayunpaman, kinasuhan si Christopher ng parricide pero mula noo’y hindi na muling nakita pa ang suspek.“Kinontak din namin &#x27;yung family ni Christopher para magbigay ng impormasyon pero naging tahimik sila, at hindi po sila naging cooperative sa amin. Hanggang sa ngayon, hindi namin alam kung saan &#x27;yung whereabouts niya,” ayon sa pulis.Ayon sa anak ng mag-asawa, naging madalas na raw ang pagtatalo ng dalawa bago ang insidente.“May mga insidente na binubugbog na. Talagang hindi na &#x27;ko nagulat na may ganon na pangyayari. Puwedeng mangyari, pero hindi ko inakala na aabot sa pagsunog,” pahayag ni alyas “Karla.”Ngayo’y nangungulila si Karla dahil sa pagkawala ng kaniyang ina at pagtatago ng kaniyang ama.“Bilang anak po niya, masakit po kasi tatay ko po ‘yun. Inaasahan ko siya &#x27;yung mag-aalaga sa amin. Siya dapat &#x27;yung padre de pamilya, tapos siya pa &#x27;yung gumawa ng krimen. Parang hindi niya man lang inisip &#x27;yung mga anak niya,” dagdag niya.“Sana mag-surrender na po siya. Kung siya po, sinasabi niyang hindi siya guilty sa nangyari, harapin po niya &#x27;yung kaso para ma-defend niya &#x27;yung sarili niya kung hindi totoo.”Kung may impormasyon tungkol sa kinaroroonan ni Christopher Felix, tumawag sa Camiling police sa mga numerong 0929-207-7965 at (045) 934-0693. Magbibigay naman ng P50,000 na pabuya ang pamilya ng biktima sa sinumang makapagtuturo sa kaniyang lokasyon.Para sa iba pang detalye, sundan ang “SOCO” sa Facebook (fb.com/SOCOtv) at Twitter (@SOCOtv).

Kalaunan ay pumanaw ang doktora pero bago ito ay nakapagsulat sa papel ang biktima ng sarili niyang bersiyon ng insidente.

Kalaunan ay pumanaw ang doktora pero bago ito ay nakapagsulat sa papel ang biktima ng sarili niyang bersiyon ng insidente.