Push Admin

Paglalakad, pagtawid habang may gamit na gadgets ipagbabawal sa Baguio

Article (news)

ABS-CBN News

<p>Lusot na sa ikatlo at huling pagbasa ng Baguio City Council ang ordinansang magbabawal sa paggamit ng gadgets at earphones habang naglalakad o tumatawid sa mga kalsada ng lungsod.</p><p>Ayon kay Baguio City Councilor Francis Robert Ortega, layon ng ordinansa na matiyak ang kaligtasan ng mga tao sa pagtawid o paglalakad.</p><figure class="op-interactive"><iframe height="315" src="https://www.youtube.com/embed/nChEmUSVZ10?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>&quot;Minsan makikita natin habang naglalakad, nakatingin sa device nila, minsan natatapilok sila or nauuntog sila or nakakabangga sila,&quot; sabi ni Ortega sa panayam.</p><p>Sa ilalim ng ordinansa, sisitahin ang mga residente sa unang paglabag.</p><p>Sa ilalim ng ikalawang paglabag, pagmumultahin ang lumabag ng P1,000 na may kasamang community service.</p><p>Multang P2,000 at community service o pagkakakulong na hindi bababa sa 10 araw ang parusa sa ikatlong paglabag, habang multang P2,500 at community service o pagkakakulong na hindi bababa sa 30 araw naman ang parusa sa ikaapat na paglabag.</p><p>Lagda na lang ni Mayor Benjamin Magalong ang hinihintay para maipatupad ang nasabing ordinansa.</p><div><strong>-- Ulat ni Justin Aguilar, ABS-CBN News</strong></div>

<p>Malapit nang maipasa ng Baguio City Council ang ban sa paggamit ng gadgets at earphones habang naglalakad o tumatawid.</p>

Malapit nang maipasa ng Baguio City Council ang ban sa paggamit ng gadgets at earphones habang naglalakad o tumatawid.