Push Admin

6 na bagong kaso ng COVID-19 naitala sa Negros Occidental

Article (news)

ABS-CBN News

May anim na bagong kaso ng coronavirus disease 2019 (COVID-19) ang Negros Occidental, base sa bulletin na ipinalabas ng Department of Health nitong Miyerkoles.Ang anim na bagong COVID-19 patients ay mga na-stranded mula sa iba’t ibang lugar ng bansa.Kasalukuyang nasa quarantine facility na ang anim.Dalawa sa mga COVID-19 positive ay mula sa Bago City, dalawa rin ang taga-La Carlota City.Isa sa anim ang taga-Silay City at isa rin ang mula sa Sagay City.Umabot na sa 91 ang kaso ng COVID-19 na naitala ng Negros Occidental at 71 naman ang COVID-19 cases ng Bacolod City.Samantala, isinailalim ang Sitio Tayabas sa Barangay Zone-15 sa Talisay City, Negros Occidental sa Enhanced Community Quarantine dahil sa kaso ng COVID-19 sa nasabing sitio.Binarikadahan ang daan dahil nasa katabing private property ng naturang sitio nag-quarantine ang 28 anyos na COVID-19 positive na lalaki na mula Davao.Ayon kay Punong Barangay Joemar Estrope, minarapat nilang isara ang sitio dahil kadalasan lumalabas ang guwardiya ng private property at lima pang mga kasamahan nito.Nagdagdag na rin ng tropa ang Negros Occidental Police Provincial Office sa San Carlos City.Ito ay matapos i-lockdown ang dalawang barangay sa lungsod dahil sa kaso ng coronavirus.Dalawang team mula sa Negros Occidental Police Provincial Office (NOCPPO) ang ipinadala sa San Carlos City para masiguro na sinusunod ang protocol at maiwasan pa ang pagkalat ng virus sa dalawang barangay.

May anim na bagong kaso ng coronavirus disease 2019 (COVID-19) ang Negros Occidental base sa bulletin na ipinalabas ng Department of Health nitong Miyerkoles.

May anim na bagong kaso ng coronavirus disease 2019 (COVID-19) ang Negros Occidental base sa bulletin na ipinalabas ng Department of Health nitong Miyerkoles.