Push Admin

Gutom pangamba ng ilang residente sa pagpapalawig ng Cebu City ECQ

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/Y1jUanjyKm0?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Nangangamba ang ilang mga taga-Cebu City dahil sa pagpapalawig ng enhanced community quarantine sa lungsod dahil wala na umano silang makain at wala silang hanapbuhay. Isa rito si Amalia, na hinati ang dalawang ulam na talong sa walong miyembro ng kaniyang pamilya. Kuwento niya, inutang pa niya ang pagkain sa isang kakilalang tindera. Ngayong napalawig pa ang ECQ sa buong Cebu City, nangangamba siyang wala na talaga siyang makain sa mga susunod na araw. Ganito rin ang agam-agam ng single mother na si Nanette Navarro, na kailangang pakainin ang siyam niyang anak. Mas mamamatay anila sila sa gutom at hindi sa COVID-19.Gabi ng Martes nang inanunsiyo ni Pangulong Rodrigo Duterte na palalawigin niya ang lockdown sa siyudad, na itinuturing na high risk para sa virus. Sinabi rin ni Duterte na matitigas umano ang ulo ng mga taga-Cebu City, bagay na sinang-ayunan ni Mayor Edgardo Labella. Noong Martes din naitala ang pinakamaraming kaso ng COVID-19 sa loob lang nang isang araw na umabot sa 353. Aabot na sa 5,494 ang nagkasakit sa COVID-19 sa siyudad. “We have to face the reality that does not mean na hihinto tayo. We have to continue,” ani Labella. Tingin ng ilang residente, gaya ni Johnray Villakima, lalabas talaga ang mga tao dahil kakaunti lang ang mga natatanggap na ayuda. Ngayong naka-ECQ ang siyudad, mahigpit ang seguridad sa pagbabantay sa bawat barangay sa Cebu City. <div>— Ulat ni Annie Perez, ABS-CBN News</div>

Nangangamba ang ilang mga taga-Cebu dahil sa pagpapalawig ng enhanced community quarantine sa lungsod dahil wala na umano silang makain at wala silang hanapbuhay.

Nangangamba ang ilang mga taga-Cebu dahil sa pagpapalawig ng enhanced community quarantine sa lungsod dahil wala na umano silang makain at wala silang hanapbuhay.