Push Admin

'Pumatay sa Tanauan mayor, maaaring pulis o sundalo'

Article (news)

ABS-CBN News

<p>Maaaring isang pulis o isang sundalo ang umasinta kay Tanauan, Batangas Mayor Antonio Halili, ayon sa isang senador.</p><p>Nakiramay nitong Martes ang kapwa Batangueño na si Senador Ralph Recto sa naiwang kaanak ni Halili.</p><p>Anang senador, dahil sa paraan ng pagkakabaril kay Halili, posibleng galing umano mismo sa puwersa ng gobyerno ang nagtumba sa mayor.</p><p>&quot;Posible na state force &#x27;to ang gumawa, maaaring galing sa PNP o di kaya sa sundalo, gawa ng sniper &#x27;to e,&quot; ani Recto.</p><p>&quot;There is a sniper on the loose in Batangas, at ito&#x27;y hindi unang pagkakataon. Kung hindi ako nagkakamali, pangatlo na ito. So dapat gawin ng pulis ang trabaho nila at hulihin ang may kasalanan dito.&quot;</p><figure class="op-interactive"><iframe src="https://www.youtube.com/embed/k-T3rizdVtg?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Nilinaw naman ng Philippine National Police (PNP) na hindi isang sniper ang nakapatay sa alkalde kundi isang tao lang na bihasa sa paggamit ng long firearms.</p><p>&quot;&#x27;Yong distansiyang 160 meters cannot be considered as a sniper work. &#x27;Yon pong 160 meters, if you&#x27;re a marksman, ordinary marksman, kaya niyo pong tumama sa 160 meters,&quot; ani Chief Superintendent Edward Carranza, Calabarzon Philippine National Police (PNP) regional director.</p><ul class="op-related-articles">	<li><a href="http://news.abs-cbn.com/news/07/02/18/sapul-sa-cctv-tanauan-mayor-nakatakbo-pa-nang-barilin">SAPUL SA CCTV: Tanauan mayor, nakatakbo pa nang barilin</a></li></ul><p>Mayroon nang tatlong persons of interest ang Task Group Halili kaugnay sa pagpatay kay Halili kung saan dalawa rito ay may kinalaman umano sa droga.</p><p>Lumabas din sa ballistic examination na isang bala ng M-16 ang ginamit ng mga suspek at nagmula raw ang bumaril sa mataas na puwesto.</p><p>&quot;Initially may dalawa kami na person of interest and the third one we have to identify among the groups kung sino sa kanila,&quot; ani Carranza. </p><p>Ayon sa crime lab, nawasak ang puso ni Halili at nadamay din ang kaniyang atay dahil sa mga nagkapira-pirasong bala.</p><p>Bubusisiin pa ng task group ang mga nangyari noong Lunes batay na rin sa mga nakalap na CCTV at video footage. </p><p>Magsasagawa rin sila ng reenactment o pagsasadula ng nangyaring krimen.</p><p>Ugnayan sa droga ang sinabi ni Pangulong Rodrigo Duterte na ugat ng pagpatay kay Halili nitong Lunes, Hulyo 2. </p><p>Pero kumambiyo naman ang Malacañang nitong Martes.</p><p>&quot;Tingin ko hindi, dahil sinabi nga niya suspetsa lang, habang hindi pa hindi pa [nagsisimula] ang imbestigasyon,&quot; ani presidential spokesperson Harry Roque.</p><p>Nababahala ang pamahalaan dahil sa pagkakapatay sa alkalde pero hindi umano sila titigil para mapanagot ang mga nasa likod ng pagpatay kay Halili.</p><figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1429850" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>PAGLULUKSA NG PAMILYA</strong></div><p>Nakaburol na sa kanilang bahay ang napaslang na mayor.</p><p>Kanina, dumating ang panganay ng alkalde na si Mark Anthony mula sa Canada.</p><p>Kasama niyang dumating ang mga kaanak at apo ni Halili.</p><p>Bumuhos ang kanilang luha nang makalapit sa kabaong ni mayor.</p><p>Ang asawa ni mayor na si Angelina, hindi halos humihiwalay sa kabaong ng asawa. <br/>    <br/>Humarap sa media ang pangalawang anak ng mayor na si Angeline at sinabi niyang hindi pa rin makapaniwala ang kanilang pamilya sa nangyari sa ama.</p><p>Nanindigan din siyang hindi sangkot sa ilegal na droga ang ama.</p><p>&quot;My father would rather die than be a drug lord. And see where he is right now. Hindi pa ba proof?&quot; ani Angeline.</p><p>&quot;Lahat gagawin nya para sa amin. Kahit magtinda lang ng tinapay o ng diyaryo. My father lived a simple life... Hindi naman kami nagsimula nang ganito e. Sixteen years old pa lang ang dad ko nagbabiyahe &#x27;yan mula Isabela hanggang Manila, nagbebenta ng gulay.&quot;</p><p>Dagdag pa ni Angeline, naniniwala siya sa hinala ni Pangulong Duterte na ilegal na droga ang dahilan ng pagpatay sa kaniyang ama.</p><p>Pero nilinaw niyang pinatay ang ama hindi dahil sangkot sa ilegal na droga kundi dahil kalaban niya ang mga drug lord.</p><p>&quot;The President is a very intelligent man. He can speak for himself freely. And I cannot blame him for what he said, if he&#x27;s been given false information. If he&#x27;s misinformed, I can only blame the people who are making these false allegations about my father,&quot; sabi ni Angeline.</p><p>Handa si Angeline na makausap si Duterte at ipaalam kung paano namuhay ang 72 anyos na ama. </p><p>Nakiramay naman ang ilang residente at empleyado ng city hall.</p><p>Sa city hall, nagkabit ng itim na ribbon ang mga empleyado bilang pagdadalamhati at paghingi ng hustisya.</p><p>Dumating naman ang mga taga-NBI Calabarzon para magsagawa ng hiwalay na imbestigasyon.</p><p>Kahapon, umupo na bilang kapalit na mayor ng Tanauan City si Vice Mayor Jhoanna Corona Villamor.</p><p>Bukod sa politika, may mga negosyo rin ang alkalde at aktibong miyembro ng ilang civic organization. </p><p>Sa ngayon, pinag-uusapan pa ng pamilya kung kailan ang libing ni Halili.</p><div><strong>-- Ulat nina Fay Virrey, Kevin Manalo, at Oman Bañez, ABS-CBN News</strong></div>

<p>Anang isang senador, dahil sa paraan ng pagkakabaril sa mayor, posibleng galing umano mismo sa puwersa ng gobyerno ang gunman.</p>

Anang isang senador, dahil sa paraan ng pagkakabaril sa mayor, posibleng galing umano mismo sa puwersa ng gobyerno ang gunman.