Push Admin

Dahil sa naiwang bag: Bata 'pinaluhod' ng ina sa nagbabagang kahoy

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2019/news/07/03/bata-tuhod.jpg"/><figcaption>Hirap pa ring makalakad ang 8 anyos na si &quot;Angela&quot; dalawang linggo matapos umanong paluhurin ng kaniyang ina sa nagbabagang kahoy. Screengrab</figcaption></figure></div>Magdadalawang linggo nang hindi pumapasok sa klase ang isang 8 anyos na babae sa Barangay Militar sa Tukuran, Zamboanga Del Sur matapos umanong paluhurin sa baga ng kaniyang ina.Ayon sa punong-barangay na si Andy Cortina, nagsumbong ang kapatid ng biktimang si &quot;Angela&quot; sa kanilang ina na lumiban ang biktima sa klase para maligo sa dagat, dahilan para maiwan nito ang kaniyang bag sa classroom noong Hunyo 24.Sa galit ng ina, pinaluhod niya umano sa baga ang kaniyang anak. Nagmamakaawa na raw ang bata pero hindi siya tinigilan hangga’t humingi siya ng tawad.Nang hindi raw pumasok nang ilang araw ang estudyante, agad daw pinuntahan ng mga guro ang bata sa kanilang bahay at doon na nila nalaman ang sinapit nito.Nalaman din nilang hindi isinugod sa ospital ang bata, at toothpaste at kape lang ang pinanlunas sa mga sugat nito kaya agad silang dumulog sa barangay.Dinala na rin nila sa barangay center ang bata para maipagamot ang mga sugat nito.Ayon pa kay Cortina, nagmakaawa ang ina na huwag siyang ipakulong lalo’t anim na buwan na siyang nagdadalantao at siya lang ang nag-aalaga sa lima pa nilang mga anak sa bahay.Sa isang panayam, sinabi ng ina na nagsisisi siya sa kaniyang nagawa at humingi ng tawad sa anak.Hindi na rin kinasuhan ang ina sa pakiusap ng mga batang anak nito, kabilang na ng biktima, ayon kay Capt. Nur Saibar Mahadi, hepe ng Tukuran police.&quot;So kung file-lan siya ng case… Sinong maiiwan sa mga bata? So tinimbang nila, ma’am, since first offense ng nanay binigyan lang nila ng matinding warning na kung uulitin &#x27;di na siya patatawarin,&quot; ani Mahadi.Nasa pangangalaga ngayon ng kanyang lolo at lola ang bata at kanyang kapatid, pero madalas daw umuuwi ang bata sa kaniyang mga magulang.Ayon kay Revelyna Jumalon ng Social Welfare Office ng Tukuran, isasailalim nila sa magkahiwalay na counselling ang mga magulang at bata para malampasan ang nararanasang trauma.May kasunduan na rin ang barangay sa mga magulang ng bata na didiretso ang mga kapitbahay o kaanak nila sa mga pulis kapag naulit ang pang-aabuso, ayon kay Cortina.Naniniwala naman ang Save The Children Philippines na may karapatan ang lahat ng mga bata na maging ligtas sa anumang pang-aabuso.&quot;While many parents believe that they have the right to discipline their children, this does not give them the right to hurt their children in the name of discipline,&quot; anila sa pahayag ukol sa insidente.<div>--Ulat ni Roxanne Arevalo, ABS-CBN News</div>

Hindi kinasuhan ang ina sa pakiusap ng mga batang anak nito, kabilang na ng biktima, ayon sa pulisya.

Hindi kinasuhan ang ina sa pakiusap ng mga batang anak nito, kabilang na ng biktima, ayon sa pulisya.