Push Admin

LTO, SSS, pinaka-nirereklamo sa hotline ng Civil Service body

Article (news)

ABS-CBN News

<figure class="op-interactive"><iframe allowfullscreen="" frameBorder="0" height="315" src="https://www.youtube.com/embed/G3E1euFlmHY" width="560"></iframe></figure>Nangunguna ang Land Transportation Office (LTO) at Social Security System (SSS) sa mga ahensiya ng gobyerno na may pinakamaraming reklamong nakuha sa Bayan hotline ng Civil Service Commission. Higit 400 tawag kada araw ang natatanggap ng 8888 contact center mula noong Agosto, at karamihan sa report na natanggap ay reklamo sa serbisyo ng SSS at LTO.Bukod sa SSS at LTO, madalas ding ireklamo ang Department of Foreign Affairs, Home Development Mutual Fund, Bureau of Internal Revenue, Land Registration Authority, Government Service Insurance System, Philippine National Police, at Philippine Postal Corporation.Ilan sa madalas na reklamo ay ang mabagal na proseso, hindi maayos na pagharap ng government employee, hindi maayos na pasilidad, at fixers.Ayon naman sa CSC, mas marami talaga ang natatanggap na report sa mga opisinang mas maraming sineserbisyuhan gaya ng LTO AT SSS.&quot;Because of the sheer number of clients, SSS is 31 million. lto, lahat ng nagda-drive, nag-aatras-abante, kumukuha ng lisensiya,&quot; ani Commissioner Robert Martinez.Sa kabila nito, may mga pagbabago nang nakikita ang CSC at bumubuti na anila ang serbisyo ng mga ahensiya ng gobyerno. Sa LTO, kaunting branch na lang anila ang nairereklamo at nabawasan din ang naisusumbong na fixer.Ayon pa sa CSC, malaking tulong ang hotline 8888 dahil naiwawasto ang mali sa pamamagitan ng pagsusumbong ng publiko. Napupukpok din nila ang mga ahensiya sa kaka-follow up sa isyu ng caller.Mula 87 percent response rate, 95 percent na ng mga tinawagan ang naaksiyunan ng mga ahensiya.Pansin naman ng nag-renew ng lisensiya na si Remegio Bautista na bumilis ang pagproseso ng driver&#x27;s license kumpara noong 2014.Pinarerepaso na ng CSC sa mga ahensiya ang dapat gawin para makatupad sa Anti-Red Tape Act.Prayoridad ng CSC ngayong taon ang pag-assess sa mga frontline agencies na business-related para masigurong mabilis lang ang pagproseso ng mga dokumento sa mga negosyo sa Pilipinas.<div>-- Ulat ni Carolyn Bonquin, ABS-CBN News</div>

Nangunguna ang LTO at SSS sa mga ahensiya ng gobyerno na nakatatanggap ng pinakamaraming reklamo sa Bayan hotline ng Civil Service Commission. Ang mabuting balita: may mga pagbabago nang nakikita ang CSC.

Nangunguna ang LTO at SSS sa mga ahensiya ng gobyerno na nakatatanggap ng pinakamaraming reklamo sa Bayan hotline ng Civil Service Commission. Ang mabuting balita: may mga pagbabago nang nakikita ang CSC.