Push Admin

9 na bangkay, ibinalandra sa tapat ng Ozamiz City Hall; Hepe, nagpaliwanag

Article (news)

ABS-CBN News

<figure class="op-interactive"><iframe allowfullscreen="" frameBorder="0" height="315" src="https://www.youtube.com/embed/kUmDqDrvV4E" width="560"></iframe></figure><h3>Iginiit ni Ozamiz City Police Chief Inspector Jovie Espenido, dating hepe ng Albuera, Leyte nang mapatay sa loob ng kulungan si Mayor Rolando Espinosa, na walang iregularidad sa nangyaring operasyon ng pulis na ikinasawi ng siyam.</h3><p>Pinagkaguluhan ang siyam na bangkay na nakahilera sa tapat ng Ozamiz City Hall sa Misamis Occidental nitong Hunyo 2. Ayon sa pulisya, miyembro sila ng robbery at gun-for-hire group na napatay sa isinagawang hot pursuit operation sa mga barangay ng Cavinte at Balintawak.</p><p>Halos gumuho naman ang mundo ni lola Carmelita dahil anim sa kaniyang mga kaanak ang nasawi sa operasyon. Kuwento niya, birthday ng isa nilang kaanak noong Hunyo 1 nang bigla na lang daw silang pasukin ng mga pulis at paluhuruin saka inutusang lumabas.</p><p>Isa sa napatay ang ama ng 10 anyos na si Andrea. Ang mas tumatak sa isip ng bata, kung paano niya nakitang pinatakbo at pinagbabaril ng mga pulis ang isa niyang tiyuhin. Kuwento ng isa pang nakakita sa pangyayari, nakataas na rin ang kamay noon ng ama ni Andrea para sumuko pero binaril pa rin daw siya.</p><p>Giit ng isa sa mga nabiyuda, di niya alam bakit pinatay ang mister na isang barangay tanod at hindi umano kriminal.</p><p>Ayon pa sa isang ama, napatay rin ang kaniyang 19 anyos na anak na noo’y dumalo lang sa kasiyahan.</p><p>Isang linggo namang ikinulong si lola Carmelita bago pinakawalan. Pero ang ina ni Andrea, naiwan sa kulungan at kinasuhan din matapos umanong mahulihan ng granada. </p><p>Pero giit ni Ozamiz City Police Chief Inspector Jovie Espenido, dating hepe ng Albuera, Leyte nang mapatay sa loob ng kulungan si Mayor Rolando Espinosa, Jr., wala silang nagawang iregularidad sa operasyon.</p><p>Hindi naman masikmura ng mga naulilang kaanak kung bakit ginawa pa ni Espenido na mabilad sa init ng araw ang mga bangkay sa tapat ng munisipyo sa halip na maembalsamo agad.</p><p>Ayon naman kay Espenido, ibinalandra nang halos 12 oras ang mga bangkay sa publiko para matukoy umano sila ng mga nabiktima nila.</p><p>Mula Ozamiz, lumuwas ng Maynila ang mga kaaanak ng napatay para pormal na magsampa ng mga kasong kriminal at administratibo laban kay Espenido.</p><p>Pero minaliit lang ito ni Espenido. Handa rin daw siyang harapin ang mga ipupukol na reklamo laban sa kaniya.</p><div><strong>-- Ulat ni Dominic Almelor, ABS-CBN News</strong></div><div> </div>

<p>Iginiit ni Ozamiz City Police Chief Inspector Jovie Espenido, dating hepe ng Albuera, Leyte nang mapatay sa loob ng kulungan si Mayor Rolando Espinosa, na walang iregularidad sa nangyaring operasyon ng pulis na ikinasawi ng siyam.</p>

Iginiit ni Ozamiz City Police Chief Inspector Jovie Espenido, dating hepe ng Albuera, Leyte nang mapatay sa loob ng kulungan si Mayor Rolando Espinosa, na walang iregularidad sa nangyaring operasyon ng pulis na ikinasawi ng siyam.