Push Admin

'Binaril na Grade 7 student, dati nang hinalay ng suspek'

Article (news)

ABS-CBN News

<figure class="op-interactive"><iframe src="https://www.youtube.com/embed/GLTd8iNibGQ?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Dati na umanong kinasuhan ng Grade 7 na pinaslang sa sariling paaralan sa Calamba ang suspek, ayon sa kaanak ng biktima.</p><p>Ayon sa tita ng biktima na si &quot;Maribeth,&quot; kinasuhan ng biktima nitong Martes ng sexual abuse kaugnay ng Republic Act 7610 ang suspek na si Renando Valderama, dalawang araw bago mapaslang ang biktima.</p><p>Si Valderama ang itinuturong salarin sa pagpatay sa estudyante nang pumasok ito sa loob ng silid-aralan ng biktima at binaril ito nang dalawang beses.</p><p>Ayon sa affidavit, hinalay umano ng suspek ang biktima mula Marso hanggang Hunyo.</p><p>Hindi naman itinanggi ng pamilya ng biktima ang relasyon ng dalawa at nangako naman daw ang suspek na tutulungan sa pag-aaral ang biktima.</p><p>Pero noong nakaraang buwan, nakipaghiwalay na raw ang biktima kay Valderama.</p><p>&quot;Hindi na niya kinaya ang ginawang panghahalay sa kaniya,&quot; kuwento ni Maribeth.</p><p>Sa ngayon ay nagpapatuloy ang hot pursuit operation ng mga pulis laban kay Valderama.</p><p>Namonitor umano ng pulisya ang galaw ng suspek sa pamamagitan ng Facebook account nito.</p><p>Sa isang FB post, humigi raw ng tawad si Valderama sa biktima at sumagot pa sa tanong ng isang nagko-comment kung bakit niya pinatay ang biktima.</p><p>Ayon kay Lt. Col. Jacinto Malinao Jr., hepe ng Calamba City police, galit at selos ang tinitingnan nilang motibo sa krimen.</p><p>Humugot pa umano ang suspek sa kaniyang Facebook na nagpapahiwatig ng labis na pagkabigo sa pag-ibig.</p><p>Dati nang nakulong noong 2017 ang suspek dahil sa kasong theft at natuklasan din ng mga pulis na gumagamit ang suspek ng iba´t ibang pangalan at address.<br/> <br/>Naniniwala ang Calamba City Police na hindi pa nakakalayo ang suspek. Pinag-iingat ang publiko laban sa suspek na inilarawang armed and dangerous.</p><figure class="op-interactive"><iframe src="https://www.youtube.com/embed/fWJbhPSC5jc?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Samantala, iimbestigahan na ng lokal na pamahalaan ng Calamba kung nagkaroon ng pagkukulang sa seguridad ng paaralan nang mangyari ang pamamaril, ayon sa alkaldeng si Justin Chipeco.</p><p>Ikinalungkot din ng Department of Education ang nangyari pero para sa kanila, “isolated case” lamang ito at hindi dapat sisihin ang paaralan sa insidente.</p><p>&quot;Known as guardian ang suspek kaya ang presence sa eskuwelahan did not give any doubtful remarks sa mga nakakita,&quot; ani DepEd spokesperson Annalyn Sevilla.</p><p>Aminado rin si Sevilla na kulang sa pondo para sa seguridad ang ahensiya at 50 porsiyento lamang ng mga pampublikong paaralan ang may mga guwardiya.</p><p>&quot;Maybe this is one of the crisis ng education ngayon. We are now checking all security measures that we can still improve,&quot; ani Sevilla.</p><p>Nakatakda muling pumasok ang mga estudyante ng paaralan sa Lunes.</p><p>Tiniyak din ng DepEd na isasailalim sa debriefing ang mga mag-aaral at guro para malagpasan ang insidente.</p><div><strong>--Ulat nina Jasmin Romero at Dennis Datu, ABS-CBN News</strong></div>

<p>Ayon sa affidavit ng biktima, hinalay umano siya ng suspek araw-araw mula Marso hanggang Hunyo.</p>

Ayon sa affidavit ng biktima, hinalay umano siya ng suspek araw-araw mula Marso hanggang Hunyo.