Push Admin

Higit 100 paglabag sa Anti-Distracted Driving Act, huli sa CCTV

Article (news)

ABS-CBN News

<figure class="op-interactive"><iframe allowfullscreen="" frameBorder="0" height="315" src="https://www.youtube.com/embed/fRN_QwGWX2M" width="560"></iframe></figure>Mahigit 100 na ang nahuli sa CCTV ng Metropolitan Manila Development Authority (MMDA) na lumabag sa Anti-Distracted Driving Act (ADDA).Sa unang araw ng pagpapatupad ng ADDA na may nirepasong implementing rules and regulations, karamihan sa mga nahuli ay mga nagmamaneho ng motorsiklo at driver ng mga pampasaherong sasakyan na kitang-kita na gumagamit ng kanilang mga telepono habang nasa kalsada.Makatatanggap ng abiso ang mga lumabag sa batas sa loob ng dalawa o tatlong araw at pagbabayarin sila ng P5,000 multa. Naniniwala naman ang MMDA na sapat na ang impormasyong naipakalat hinggil sa batas kaya wala na dapat lalabag dito. Ngunit pagdating sa intersection at pula ang stoplight, kanya-kanyang hugot ng cellphone ang mga tsuper.“Dapat ang kamay niyo nasa manibela, wala kayong hawak na iba. ‘Yun lang ang intention ng batas,” ani Celine Pialago, tagapagsalita ng MMDA.Paulit-ulit naman ang paalala sa mga motorista na itinatakda ng Anti-Distracted Act ang pagbabawal mag-text, tumawag, at sumagot ng tawag habang nasa kalsada. Puwede namang gamitin ang cellphone pero dapat hands-free o kaya&#x27;y naka speakerphone. Iminumungkahi rin ng MMDA ang pagkakaroon ng bluetooth device.“Ang suggestion na lang namin ngayong may batas, na gawa ho tayo ng paraan to compromise na masagot mo ‘yung mga trabaho mo, mga emergencies and at the same time hindi ka makalabag do’n sa batas,” ani Pialago.Wala ring lusot ang mga may-ari o nagpaparenta ng sasakyan o mga operator, pati ang bangko kung sakaling hindi pa bayad ang sasakyan, dahil sila ang papangalanan sa summons kahit hindi sila ang nagmamaneho nang mabidyuhan ng MMDA. Abiso pa ng MMDA, huwag din kampante na sa umaga lang ang hulihan dahil magdamag na gagana ang monitoring at apprehension ng ahensiya. Kaya rin anilang mahagip ng high definition cameras ang mga sasakyang heavily tinted ang bintana o windshield.“Basta ang usapan natin sa gabi we must admit kapag sobrang tinted na ang sasakyan mo tapos gabi pa, basta na-capture ka namin na may ilaw na nagfa-flash sa mukha mo, basically ginagamit mo ‘yung telepono mo, papadalhan ka namin ng summons,” ani Pialago. Kung ikakaila namang gumagamit ng telepono, maaaring magpaliwanag sa Traffic Adjudication Board.Utos ni MMDA Chairman Danny Lim, huwag paabutin ng isang buwan ang pagresolba sa kaso ng mga magpoprotesta.<div>Manila traffic enforcers, &#x27;di pa manghuhuli ng mga lumabag sa ADDA</div>Hindi muna manghuhuli ng mga lalabag sa Anti-Distracted Driving Act ang mga traffic enforcers sa lungsod ng Maynila dahil wala umanong pormal na pagsasanay ang mga ito para ipatupad ang batas. Tuloy naman ang panghuhuli ng mga tauhan ng MMDA at Highway Patrol Group sa lungsod. Higit 400 CCTV camera ang nakatutok sa iba&#x27;t ibang kalye sa Maynila at kayang-kaya makita mula sa command center sa City Hall ang mga gumagamit ng cellphone at iba pang gadget habang nagmamaneho ng sasakyan.Pero hindi pa puwedeng manghuli ang mga traffic enforcer ng Manila Traffic And Parking Bureau (MTPB) at ipinagpaliban nila ang pagpapatupad nito dahil hindi pa malinaw sa kanila ang implementing rules and regulations ng batas. &quot;Gusto po namin siguruhin na kumpleto ang impormasyon, ang technical know-how ng mga enforcer bago i-apply sa publiko,&quot; ayon kay Dennis Alcoreza, Director ng MTPB.Nalilito pa rin ang MTPB kung ano ang ilalagay sa violation ticket dahil wala sa listahan ang ADDA.&quot;Sa OVR na ginagamit ng LGUs sa NCR, wala pa po ang violation ng ADDA, nakalagay lang po others,&quot; ani Alcoreza.Sa kasalukuyang violation ticket, mababa lang ang multa sa gumagamit ng cellphone habang nagmamaneho, habang sa unang paglabag sa ADDA, P5,000 agad ang multa.Sumulat na sa Land Transportation Office (LTO) ang MTPB para humingi ng paglilinaw at gabay sa pagpapatupad ng batas. <div>Lumabag sa ADDA sa Baguio City at Benguet, warning lang muna ang natanggap</div>Sa Baguio City at La Trinidad, Benguet, warning lang muna ang natatanggap ng mga lumalabag na motorista. “Wala pang nahuhuli kasi siguro dahil din sa information dissemination,” ani Allison Fangkingan, LTO enforcer.Wala mang nahuli na lumabag sa ADDA, marami naman ang nahuling may paglabag sa ilang batas trapiko tulad ng hindi paggamit ng seatbelt, at overloading.Sa Iloilo City naman, wala nang warning at hinuli kaagad ang mga hindi susunod.<div>-- Ulat nina Doris Bigornia at Dennis Datu, ABS-CBN News</div>

Mahigit 100 na ang nahuli sa CCTV ng Metropolitan Manila Development Authority na lumabag sa Anti-Distracted Driving Act.

Mahigit 100 na ang nahuli sa CCTV ng Metropolitan Manila Development Authority na lumabag sa Anti-Distracted Driving Act.