Push Admin

1,000 Pinoy nars kailangan sa Saudi; requirements mas pinadali : POEA

Article (news)

ABS-CBN News

<figure class="op-interactive"><iframe src="https://www.youtube.com/embed/2PJlhO0BOUE?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Nasa 1,000 Pinoy nurses ang kailangan ngayon sa Saudi Arabia sa pamamagitan ng government-to-government track.Ibig sabihin, sa Philippine Overseas Employment Administration (POEA) dadaan lahat ang application at hindi sa mga recruitment agency. Dahil government-to-government, madalas ay sa mga government hospital ng Saudi ang deployment ng mga matatanggap na Pinoy. Tinatayang nasa 4,100 Saudi riyal ang starting salary o nasa P58,000. Hindi man singlaki ng sahod sa Europa ngunit mas madali naman daw ang rekisito para makapasa dahil hindi kasinghigpit ang qualifications na kailangan.&quot;Usually sa other destinations natin ng nurses merong language proficiency examination but sa Saudi kailangan lang &#x27;yung Bachelor of Science of Nursing degree mo, tapos kinakailangan may 2 years experience ka,&quot; ani POEA administrator Bernard Olalia.Ayon kay Olalia, ibinaba na nga ito dahil noon ay 3 taong experience ang kailangan kung nais magtrabaho sa Saudi.Maganda rin daw ang employment package dahil bukod sa libreng tirahan, sigurado ring makauuwi taon-taon ang mga nars sa Pilipinas dahil kasama sa benepisyo nila ang annual vacation leave na may libre pang round-trip plane ticket.Higit sa lahat, nasisiguro daw ng POEA ang kaligtasan ng mga Pinoy nurse dahil gobyerno mismo ang kausap nila.&quot;Naii-screen natin nang husto ito tapos we monitor &#x27;yung condition ng ating nurses and then there is a communication line between the representatives of POEA and representatives of this Saudi government regarding the conditions and welfare of our nurses,&quot; pagmamalaki ni Olalia. Ang nars na si Mirza Salappudin, 15 taon nang pabalik-balik sa Saudi at kahit mahirap ay tinitiis niya para lang sa mas magandang buhay ng pamilya.&quot;Para sa future din po ng mga anak ko kasi dito po sa Pinas, kahit licensed ka po mahirap din po mag-apply especially sa provinces,&quot; ani Salappudin.Para sa mga nais mag-apply, kailangang mag-register muna sa website ng <a href="https://eservices.poea.gov.ph/home">POEA</a>.Muli namang nagbabala ang POEA laban sa illegal recruiters na nananamantala tuwing may mga anunsiyo ng bagong job orders.Tip ng POEA, huwag pumatol sa mga alok na trabaho na idinadaan sa social media ang lahat ng transaksiyon. Ugaliin ding i-double check sa website ng POEA kung totoo ang trabahong ina-apply-an at kung lisensiyado ang kausap na recruitment agency. —Ulat ni Zen Hernandez, ABS-CBN News

Hindi man singlaki ng sahod sa Europa ngunit mas madali naman daw ang rekisito para makapasa dahil hindi kasinghigpit ang qualifications na kailangan sa Saudi.

Hindi man singlaki ng sahod sa Europa ngunit mas madali naman daw ang rekisito para makapasa dahil hindi kasinghigpit ang qualifications na kailangan sa Saudi.