Push Admin

Pinagpira-pirasong katawan ng lalaki natagpuan sa 2 ilog sa CamSur

Article (news)

ABS-CBN News

<div>Editor&#x27;s Note: May mga tinatalakay na karumal-dumal na krimen at hindi pambatang paksa ang artikulong ito. Mahalaga ang wastong paggabay sa mga wala pa sa tamang edad o disposisyon para magbasa o umintindi ng ganitong mga bagay.</div>LIBMANAN, Camarines Sur—Masangsang ang amoy at nasa decomposition stage na nang matagpuan noong Biyernes ang pira-pirasong bangkay ng isang lalaki sa Bicol River.Ayon sa pulisya, isang lalaking nangunguha ng buhangin ang nakakita sa isang sakong palutang-lutang sa ilog.Nang buksan ng lalaki ang sako, nagulantang siya sa nakitang ibabang parte ng katawan ng tao.Halos kasabay nito ay natagpuan naman sa Inalahan River ng karatig-barangay ang isa pang sako laman naman ang itaas na bahagi ng katawan ng biktima.Sa pagsusuri ng pulisya, lumalabas na iba&#x27;t ibang tama ng saksak ang tinamo ng biktima na nakilalang si Socimo Arciaga, 51, at tubong Isabela.&quot;Merong mga tama sa katawan &#x27;yung bangkay. Meron po itong saksak sa iba&#x27;t ibang bahagi ng katawan,&quot; sabi ni Police Staff Sgt. Rose Organis ng Libmanan Municipal Police.Ayon sa kapatid ng biktima na si Ruby Viernes, Lunes nang magpaalam sa kaniya ang kapatid na pupunta ng Bicol para kunin ang mga binili nitong kambing.Negosyo umano kasi ni Arciaga ang buy-and-sell ng naturang hayop.Halos 6 na buwan na raw itong pabalik-balik sa Camarines Sur dahil sa negosyo pero wala raw itong nabanggit na kaalitan sa lugar.&quot;Masayahin siyang tao. At saka hindi naman siya nandadaya ng tao . . . Bakit ganu’n ang pagpatay sa kaniya? Parang napakasama naman niyang tao, hindi naman siya ganun,&quot; pagtataka ni Viernes.Nagsimula nang mag-alala si Viernes nang hindi na makontak ang biktima kaya&#x27;t napilitan siya at isa pang kapatid na pumunta na sa Bicol para personal na hanapin si Arciaga.&quot;Sobra ang ginawa nilang pagpapahirap sa kapatid ko. Pinatay na lang sana nila at least ayos lang sana kung buo pa. Ngayon, hinati-hati pa nila na parang baboy,&quot; sabi ni Viernes.Pansamantala munang inilibing sa isang sementeryo sa Libmanan ang chop-chop na katawan pero plano ng pamilya na ipahukay ito para ma-cremate sa Camarines Sur.Blangko pa sa ngayon ang Libmanan Municipal Police kung sino ang may gawa at ano ang motibo sa likod ng krimen.<div>—Ulat ni Mae Pulvinar, ABS-CBN News</div>

Sa pagsusuri ng pulisya, lumalabas na iba't ibang tama ng saksak ang tinamo ng biktima na tubong Isabela at may negosyong buy-and-sell ng mga kambing.

Sa pagsusuri ng pulisya, lumalabas na iba't ibang tama ng saksak ang tinamo ng biktima na tubong Isabela at may negosyong buy-and-sell ng mga kambing.