Push Admin

'Paano mabeberipika?' LGUs nabulaga sa niluwagang travel protocol sa fully-vaccinated

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1721659" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>MAYNILA<strong> (UPDATE) </strong>— Umaalma ang ilang lokal na pamahalaan sa bagong utos ng Inter-Agency Task Force on Emerging Infectious Diseases (IATF) na pagluluwag ng travel protocol sa fully-vaccinated individuals, na hindi umano nakonsulta sa kanilang hanay.</p><p>Noong Lunes ay sinabi ng IATF na maaari nang gamitin ang ibinigay na vaccination card ng mga lokal na pamahalaan sa mga nakakompleto na sa bakuna kontra COVID-19 para hindi na sumailalim sa COVID-19 test ang mga bibiyahe. </p><ul class="op-related-articles">	<li><a href="https://news.abs-cbn.com/news/07/05/21/vaccination-card-kapalit-ng-covid-19-test-biyahero">Bakunadong biyahero na may vaccination card puwedeng di mag-COVID-19 test</a></li></ul><p>Bahagi ito ng unti-unting pagluluwag ng pamahalaan sa pagbiyahe ng mga Pilipino, lalo na ang mga kompleto na ang bakuna.</p><p>Pero ayon kay Quirino Governor Dakila Cua, pangulo ng Union of Local Authorities of the Philippines (ULAP), hindi sila nakonsulta sa pagpapatupad ng bagong protocol. </p><p>&quot;To be quite direct to the point, hindi po kasi &#x27;yan na-discuss at nakonsulta sa amin, sa mga LGU... Maraming tayong kasamahang gobernador na nag-express ng concern na hindi natin mapaliwag kasi hindi nga po nagkaroon ng sapat na ugnayan,&quot; pag-amin ni Cua sa panayam ng TeleRadyo nitong Martes. </p><p>Hindi rin umano malinaw kung paano ito ipatutupad at wala ring inilatag na sistema sa pag-verify ng vaccination card. </p><p>&quot;May mga tanong mula sa aking mga kasamahan: paano mave-verify ang vaccination card? Hindi naman sophisticated ang vaccination card natin. Wala naman kaming alam na may security feature at validation process ito, or system para ma-check kung tama or peke ito, those are the things that we need to operationalize bago maging in effect ang direktiba,&quot; paliwanag ng gobernador.</p><p>&quot;Pikit-mata ba tayong magtitiwala diyan?&quot; dagdag niya. </p><p>May agam-agam din si Marinduque Governor Presbitero Velasco, presidente ng League of Provinces of the Philippines, sa bagong patakaran.</p><p>Iginiit ni Velasco na may kapangyarihan ang mga lokal na opisyal na magpatupad ng sarili nilang panuntunan.</p><p>Maaari pa rin umanong igiit ng mga lokal na opisyal na magkaroon ng antigen testing sa mga papasok sa probinsiya, lalo na&#x27;t aniya&#x27;y mataas ang household infection rate doon.</p><p>Ipinauubaya naman ng Department of Tourism sa mga LGU ang pagpapasya kung papayagan ang paggamit ng vaccine cards sa RT-PCR test.</p><p>Depende pa rin daw ito sa umiiral nilang protocol.</p><p>Umaasa kasi si Tourism Secretary Bernadette Romulo-Puyat na mahihikayat ng hakbang ang pagpapabakuna ng mga Pilipino.</p><p>Nanawagan din ang kalihim sa mga biyahero na maging responsable habang dapat ay tumulong ang mga LGU na matiyak na hindi peke ang vaccination cards, COVID-19 test results at Bureau of Quarantine certifications.</p><p>Handa rin umanong makipagtulungan ang airline companies sa mga LGU.</p><p>Ayon sa Philippine Airlines, bago pa man sumakay ng eroplano, tsine-check nila ang dokumento ng mga pasahero alinsunod sa itinakda ng LGU.</p><p>Hinihintay naman ng Cebu Pacific kung aling LGU ang hindi susunod sa IATF resolution.</p><p>Pero nanindigan ang Palasyo at Department of the Interior and Local Government (DILG) na dapat sundin ang resolusyon ng IATF.</p><p>Bagaman kinikilala ng DILG ang kapangyarihan ng LGU na magkaroon ng sariling health protocol, dapat umano&#x27;y alinsunod ito sa national policy.</p><p>Maaari naman daw palakasin ng mga LGU ang quarantine at post-arrival testing protocols nila.</p><p>Nagbabala naman ang Malacañang sa mga may balak mameke ng vaccination card dahil maaari umano silang makulong.</p><div><strong>— May ulat ni Zandro Ochona, ABS-CBN News</strong></div><div><strong>KAUGNAY NA VIDEO</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1720902" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

<p>Umaalma ang ilang LGU na di umano nakonsulta sa pagluluwag ng travel protocol sa fully-vaccinated individuals. </p>

Umaalma ang ilang LGU na di umano nakonsulta sa pagluluwag ng travel protocol sa fully-vaccinated individuals.