Push Admin

Tinaguriang 'priest killer,' arestado sa panibagong kaso

Article (news)

Jay Dayupay, ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2017/news/07/07/norberto-manero-jr-201.jpg?ext=.jpg"/><figcaption><div class="embed-desc">Inaresto ng mga otoridad ang kilalang lider ng armadong grupong Ilaga na si Norberto Manero Jr. alyas Kumander Bukay Biyernes sa mismong tanggapan ng Criminal Investigation and Detection Group sa General Santos City.</div></figcaption></figure></div><h3>Manero, natiyempuhan nang pumunta sa tanggapan ng pulisya</h3>Arestado ang kilalang lider ng armadong grupong Ilaga na si Norberto Manero Jr., alyas Kumander Bukay, sa mismong tanggapan ng Criminal Investigation and Detection Group (CIDG) sa General Santos City nitong Biyernes.Ayon sa CIDG, pumunta sa kanilang tanggapan sa loob ng Camp Fermin Lira ang 70-anyos na si Manero Biyernes ng umaga para mag follow-up sana sa isa sa mga kaso kung saan siya ay hiniling na maging consultant. Dito na nakahanap ng pagkakataon ang CIDG na ihain kay Manero ang dalawang arrest warrant na ipinalabas ng korte laban sa kaniya.Ang dalawang warrant na inilabas noong Hunyo 10, 2010 ay para sa kasong pagpatay at tangkang pagpatay na kinasangkutan umano ni Manero at apat na iba pa.“Pumunta siya (Manero) dito tapos nagkataon na may warrant siya, so sinerve na natin sa kanya,” ani Elmer Gueverra, hepe ng CIDG Region 12.Ayon sa impormasyon na hawak ng CIDG, may probable cause umano ang reklamong murder laban kay Manero at sa iba pang suspek na sina Rolando Paglangan Jr., Sonny dela Cruz, Wahab Dikayan, at John Palma. Maayos na kinausap ng CIDG si Manero at hindi naman ito pumalag. Paliwanag ni Manero, handa siyang harapin ang kaso laban sa kanya. Ipinagtataka niya kung bakit siya may arrest warrant samantalang nakalabas pa siya ng bansa.“Bakit ako may warrant, eh kung may warrant pala ako, bakit ako nakalusot sa NBI (National Bureau of Investigation) at nakapunta pa ako [sa] Phuket (sa Thailand)?” aniya.Nahatulan si Manero ng habambuhay na pagkakabilanggo dahil sa pagpaslang sa Italyanong pari na si Tullio Favali sa Tulunan, North Cotabato noong 1985.Una itong tumakas mula sa Davao Prison Farm noong Mayo 13, 1992 bago ito nabigyan ng pardon ni dating Pangulong Joseph Estrada noong Disyembre 1999.Noong Marso 2000, binawi ng Malacañang ang conditional pardon kay Manero dahil sa pending na kidnapping at double murder case nito. Ikinulong si Manero sa Sarangani Provincial Jail, pero pumuga ito noong Marso 22, 2001.Sumuko ito sa awtoridad noong Abril 2001 at ikinulong sa Davao Penal Colony bago dinala sa New Bilibid Prison. Tuluyang nakalaya si Manero sa piitan noong Enero 2008 at nanirahan sa South Cotabato.Pasado ala-1 ng hapon nang dalhin si Manero sa Hall of Justice ng General Santos City kung saan iniharap siya sa Regional Trial Court Branch 23, ang naglabas ng mga arrest warrant laban sa kanya.Agad namang inilabas ng korte ang commitment order laban kay Manero at naipiit na ito sa General Santos City Jail.

Arestado ang kilalang lider ng armadong grupong Ilaga na si Norberto Manero Jr., alyas Kumander Bukay, sa mismong tanggapan ng Criminal Investigation and Detection Group (CIDG) sa General Santos City nitong Biyernes.

Arestado ang kilalang lider ng armadong grupong Ilaga na si Norberto Manero Jr., alyas Kumander Bukay, sa mismong tanggapan ng Criminal Investigation and Detection Group (CIDG) sa General Santos City nitong Biyernes.

Tinaguriang 'priest killer,' arestado sa panibagong kaso

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

News

Tinaguriang 'priest killer,' arestado sa panibagong kaso

Jay Dayupay,

ABS-CBN News

Published July 07, 2017 07:12 PM PHT

|

Updated July 07, 2017 08:05 PM PHT

Read More:

Ilaga

Kumander Bukay

Norberto Manero

regional news

tagalog news

General Santos City

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.