Push Admin

Kontador ng kuryenteng sumasayad na, reklamo ng mga taga-Batasan Hills

Article (news)

ABS-CBN News

<figure class="op-interactive"><iframe src="https://www.youtube.com/embed/vo4yO6gHK6A?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Nangangamba ang mga residente ng isang lugar sa Barangay Batasan Hills, Quezon City ngayong tag-ulan lalo&#x27;t may mga kontador ng kuryente sa kanilang lugar na sumasayad na sa lupa.</p><p>Kuwento nila sa &quot;Tapat Na Po,&quot; 2015 pa nabulok ang frame na kinakabitan ng mga kontador ng Meralco. <br/>    <br/>Sa patakaran, responsibilidad ng mga residente ang pagkuha ng permit at paggawa ng malilipatan ng kontador pero Meralco ang dapat maglilipat nito.</p><p>Inasikaso nila ang permit ngunit hindi pa rin nailipat ng Meralco ang mga kontador, hanggang napaso na ito.</p><p>&quot;Pinakuha na naman kami ng wiring permit, tapos nakakuha kami, ipinasa namin agad, eh naka 1 year na, hanggang ngayon hindi pa kinakabit &#x27;yung relocation meter base,&quot; hinaing ng residenteng si Rosie Villasis</p><p>Pangamba nila, baka pagmulan ito ng sunog o may makuryente tuwing umuulan.</p><p>Idinulog ng Tapat Na Po sa Meralco ang problema at inamin nilang may pagkukulang sila kaya naantala ang paglilipat ng kontador.</p><p>&quot;Nagpapasalamat kami na naipaabot ito sa amin. Rest assured na ito ay aaksiyonan namin,&quot; ani Joe Zaldarriaga, Meralco spokesperson.</p><p>Pinuntahan na ng mga tauhan ng Meralco ang lugar at ngayong Sabado natapos nilang ilipat ang lahat ng kontador.</p><p>Sa mga konsumer na nais magpadala ng reklamo, mag-post lamang sa Facebook page ng Tapat Na Po.</p><div><strong>—Ulat ni Alvin Elchico, ABS-CBN News</strong></div>

<p>Inasikaso ng mga residente ang permit ngunit hindi pa rin nailipat ng Meralco ang mga kontador, hanggang napaso na ito.</p>

Inasikaso ng mga residente ang permit ngunit hindi pa rin nailipat ng Meralco ang mga kontador, hanggang napaso na ito.