Push Admin

SOCO: Service crew pinatay sa loob ng pinapasukang convenience store

Article (news)

ABS-CBN News

<div><script src="https://connect.facebook.net/en_US/sdk.js#xfbml=1&amp;version=v2.5" async="" type="text/javascript"></script></div><div class="fb-post" data-href="https://www.facebook.com/SOCOtv/videos/1710933542293890/" data-width="auto"> </div><p>Dead on arrival ang 34-taong gulang na service crew na si Maila Marasigan matapos pagsasaksakin sa loob ng pinapasukang convenience store sa Lipa, Batangas nitong Hunyo 19, 2018.</p><p>Siyam na saksak ang tinamo ng biktima mula sa salarin, kabilang ang saksak sa leeg na direkta nitong ikinamatay.</p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/07/07/20180707-soco2.jpg?ext=.jpg"/><figcaption>Siyam na saksak ang tinamo ng 34-taong gulang na service crew matapos patayin sa loob ng pinapasukang convenience store sa Lipa, Batangas. <em>SOCO</em></figcaption></figure></div><p>Naging potensiyal na testigo ang kasamahan ni Marasigan sa trabaho, pero tulog ito noong nangyari ang krimen. Nagising na lang daw ito nang makaramdam ng komosyon.</p><p>“Patapos na &#x27;yung duty nila ng ala-6 [ng umaga]. Nagpaalam na siya dito kay Maila na iidlip lang siya dahil 24-hour duty siya,” ayon kay Supt. Roderick Dela Peña Tonga, hepe ng Lipa police.</p><p>“Patakbo na rin &#x27;yung suspek, so hindi na niya nasulyapan [nang] kumpleto &#x27;yung suspek,” dagdag niya.</p><p>Kinumpirma ng pamunuan ng convenience store na may nawawalang P5,000 sa kaha.</p><p>Narekober naman ng mga awtoridad sa crime scene ang coin purse na pagmamay-ari ng suspek. Nasa loob nito ang isang retrato at ilang dokumento. </p><p>Nahagip rin sa CCTV footage ang suspek pagkalabas nito ng convenience store.</p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/07/07/201707-soco3.jpg?ext=.jpg"/><figcaption>Sa profiling ng mga awtoridad, napag-alamang mahilig maglaro ng computer games ang suspek. <em>SOCO</em></figcaption></figure></div><p>Dahil sa mga ebidensiya, natunton ng mga awtoridad ang suspek na kinilalang si Josiah Matthew Manalo, 19-taong gulang.</p><p>Ayon kay Manalo, pauwi na raw siya noong gabing nangyari ang krimen pero naging madalang ang mga bumibiyaheng jeep. </p><p>Dahil dito, pumasok sa convenience store ang binata.</p><p>“May nakita akong matalim na bagay... Parang nabaliw na po &#x27;yung isip ko. Kumbaga ay bigla pong pumatong &#x27;yung puyat, nagpatong po sa problema... May mga nagsasabi po, para pong may bumulong,” sabi ni Manalo.</p><p>Hindi na raw maalala ni Manalo ang iba pang naganap. Nagulat na lang daw siya nang may makitang pera sa loob ng kaniyang bag.</p><p>“Pagkabukas ko po ng aking bag, may laman po na hindi ko po alam kung magkano po ‘yun,” ayon sa suspek.</p><p>Sa profiling ng mga awtoridad kay Manalo, napag-alamang mahilig maglaro ng computer games ang suspek. Ayon kay Tonga, ito raw marahil ang naging ugat ng bayolenteng krimeng nagawa nito.</p><p>“Wala ka na ngang kain, wala ka pang tulog,” ani Tonga.</p><p>Dahil sa testimonya ng mismong akusado, sinampahan ng kasong robbery with homicide si Manalo.</p><p>“Humihingi lang po ako talaga ng sorry at pasensya sa lahat ng naperwisyo ko sa buhay, &#x27;yung mga nadamay po sa nagawa ko, ‘yun po &#x27;yung lalong lalo na po dun sa pamilya sa kabila,” pagsisisi ng suspek.</p><p>Nagluluksa naman ang kinakasama ng biktima.</p><p>“Talagang galit na galit, kasi kung ako ang tatanungin, talagang papatayin ko rin ‘yun dahil sa ginawa niya sa asawa ko. Kababaeng tao,” sabi ni Eger Payonga, live-in partner ni Marasigan.</p><p>“Nanghihinayang po ako kasi &#x27;yung gusto niyang mangyari sa anak niya sa birthday, hindi na niya makikita. Ibig sabihin, ako na ang gagawa ng gusto niya para sa bata,” pangako ni Payonga.</p><p>Para sa iba pang detalye, sundan ang “SOCO” sa Facebook (fb.com/SOCOtv) at Twitter (@SOCOtv).</p><div><strong>—Ulat ni Toph Doncillo, ABS-CBN News</strong><br/> </div>

<p>Isang maasikasong ina at binatang tuliro ang magku-krus ang landas sa isang malagim na trahedya.</p>

Isang maasikasong ina at binatang tuliro ang magku-krus ang landas sa isang malagim na trahedya.