Push Admin

Ilang instant noodle products pinapa-recall sa Europa

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2111770" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>Pinare-recall ng ilang bansa sa Europa ang ilang uri ng instant pancit canton at noodle products na popular sa Pilipinas dahil nakitaan umano ng isang uri ng kemikal.</p><p>Sa magkakahiwalay na abiso, pinare-recall ng mga awtoridad sa Ireland, Malta at France ang ilang klase ng Lucky Me! noodle soup at pancit canton.</p><p>Bagaman galing sa magkakaibang bansa ang mga abiso, pare-parehong idinahilan sa mga abiso na kaya pinare-recall ay dahil nakitaan ang mga produkto ng ethylene oxide.</p><p>Ang ethylene oxide ay kemikal na isa umanong uri ng pesticide at hindi awtorisadong gamitin sa mga pagkain sa European Union.</p><p>Kung nabili na, inabisuhan ang mga konsumer na huwag itong kainin, ibalik sa pinagbilhan o sirain.</p><p>Sa ngayon, wala pang naiuulat na negatibong epekto ang pagkain sa partikular na brand ng pancit canton.</p><p>Ayon naman sa Department of Health, iniimbestigahan na ng Food and Drug Administration (FDA) ang nasabing brand.</p><p>Wala pang pinapa-hold na mga produkto sa bansa, lalo&#x27;t patuloy na kumukuha ang mga awtoridad ng detalye at bineberipika ang mga ulat, sabi ni Health Spokesperson Maria Rosario Vergeire.</p><p>Sa isa namang pahayag, sinabi ng Monde Nission na walang nilalagay na ethylene oxide sa mga produktong Lucky Me.</p><p>Ayon sa kanila, ang ethylene oxide ay karaniwang kemikal na ginagamit para sa treatment ng spices, seeds at para makontrol ang pagdami ng mikrobyo sa mga produktong pang-agrikultura.</p><p>Maaari pa rin umanong makita ang trace ng kemikal kahit pa naproseso na sa mga seasoning at sauce.</p><p>Tiniyak naman ng kompanya sa publiko na lahat ng produkto na Lucky Me ay rehistrado sa FDA at US FDA safety standards pagdating sa usapin ng ethylene oxide.</p><div><strong>— Ulat ni Raphael Bosano, ABS-CBN News</strong></div>

Pinare-recall ng ilang bansa sa Europa ang ilang instant pancit canton at noodle products dahil nakitaan umano ng isang uri ng kemikal.