Ilang bahay sa Cavite nasunog

Watch more in iWantv or TFC.tv

CAVITE (UPDATE)—Nasunog ang 5 bahay at 1 apartment sa Barangay 56, San Roque, Cavite City Lunes ng gabi.

Itinakbo sa ospital ang isang lola sa kasagsagan ng sunog na nagsimula alas-8:30 ng gabi.

"May difficulty in breathing 'yung ating patient pero conscious naman siya," ani Erwin Ordan ng City Disaster Risk Reduction and Management Office.

Halos 2 oras inapula ang apoy bago ideklara na fire out. Ayon sa Bureau of Fire Protection (BFP), nahirapan sila dahil apektado ng water interruption ng Maynilad ang barangay.

"We need to ask assistance sa other neighboring stations dahil walang tubig sa oras na iyan," ani Cavite City fire marshal Jose Agdoro Jr.

Our staff and volunteers are now responding to a fire incident in Gen.Luna st.Brgy.56 Cavite City. We have already sent an ambulance team to the said incident. 4th alarm level was raised. Updates to follow. pic.twitter.com/Trlcuvvdmn

— Philippine Red Cross (@philredcross) July 8, 2019

Iniimbestigahan pa ng mga bombero ang pinagmulan ng sunog pero ayon sa ilang residente, nanggaling ito sa apartment.

Inaalam pa rin ang halaga ng pinsala sa insidente habang nagpapalipas muna sa evacuation center ang ilang nasunugan.