Push Admin

Guro inireklamo dahil sa 'pagsilip sa panty, pang-iinsulto' sa estudyante

Article (news)

ABS-CBN News

<figure class="op-interactive"><iframe src="https://www.youtube.com/embed/RDEtofNTn9k?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>MAYNILA — Sinampahan ng reklamo ng isang magulang ang guro sa isang pampublikong paaralan sa Quezon City dahil sa umano&#x27;y pang-iinsulto at pang-aabuso sa kaniyang mga estudyanteng Grade 6.</p><p>Kuwento ng ina ng isa sa mga bata, bigla na lang umanong dumating ang kaniyang 11 anyos na anak sa kanilang bahay na umiiyak.</p><p>&quot;Sabi niya &#x27;Kasi po si sir, sinabihan kami... Finlashlightan po kami sa palda,&#x27;&quot; wika ng ina.</p><p>&quot;Noong finlashlightan po silang lahat, isa-isa po silang sinabihan... Pagdating doon sa anak ko inano niya &#x27;yung flashlight sabi niya &#x27;ay walang panty &#x27;to.&#x27;&quot; dagdag niya.</p><p>Dahil sa nangyari aniya, natakot nang pumasok ang kaniyang anak sa klase.</p><p>Nagsampa na rin ng reklamo ang ina sa eskuwelahan laban sa guro.</p><p>Ayon sa principal, isinumite na nila ang reklamo ng magulang sa Department of Education (DepEd) sa Metro Manila.</p><p>Tumanggi namang magpaunlak ng panayam ang guro na inirereklamo.</p><p>Magsasagawa naman ng imbestigasyon ang DepEd para matukoy kung mayroong nangyaring child abuse.</p><p>&quot;Immediate po iyan kasi child abuse. Basta&#x27;t something to do with child protection policy, we see it as a red flag,&quot; ani DepEd-NCR Regional Director Wilfredo Cabral.</p><p>Ayon sa DepEd, maaaring masuspinde o matanggal sa trabaho ang guro, depende sa magiging resulta ng imbestigasyon.</p><p>Maaari rin umanong sampahan ng kasong kriminal ang guro sa paglabag sa Special Protection of Children Against Abuse, Exploitation, and Discrimination Act.</p><div><strong>-- Ulat ni Apples Jalandoni, ABS-CBN News</strong></div>