Push Admin

Mayorya ng mga Pinoy pabor sa pagbabalik ng face-to-face classes: survey

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Mga estudyanteng papasok ng Jose Magsaysay Elementary School sa Makati City noong March 30, 2022. George Calvelo, ABS-CBN News/File" src="https://sa.kapamilya.com/absnews/abscbnnews/media/2022/tvpatrol/07/14/20220330-covid-makati-school-in-person-class-gc-2619.jpg"/><figcaption>Mga estudyanteng papasok ng Jose Magsaysay Elementary School sa Makati City noong March 30, 2022. <em>George Calvelo, ABS-CBN News/File</em></figcaption></figure></div><p>MAYNILA <strong>(UPDATE) </strong>— Pabor ang mayorya ng mga Pilipino sa pagbabalik ng face-to-face classes, batay sa isang survey na kinomisyon sa Pulse Asia na isinapubliko ngayong Huwebes.</p><p>Nasa 94 porsiyento ng mga respondent ang sang-ayon na ibalik na ang face-to-face classes, base sa survey na ginawa noong Hunyo 24 hanggang 27 at kinomisyon ni Sen. Sherwin Gatchalian.</p><p>Nakatakdang muling maging chairman ng Senate Committee on Basic Education, Arts and Culture si Gatchalian, na hinawakan ang parehong posisyon noong nagdaang 18th Congress.</p><p>Sa resulta ng survey na ibinahagi ng tanggapan ni Gatchalian, tinanong ang respondents kung gaano sila sumasang-ayon o hindi sumasang-ayon na pahintulutan ang pisikal na pagpasok ng mga bata sa paaralan sa darating na pasukan.</p><div class="embed-wrap"><figure data-feedback="fb:likes,fb:comments"><img alt="@robertmanodzmm" src="https://sa.kapamilya.com/absnews/abscbnnews/media/2022/life/07/14/20220714-tweet-img-3.jpg"/></figure></div><p>Nasa 67 porsiyento ang sumagot ng strongly agree at 27 porsiyento naman ang somewhat agree, para sa pinagsamang 94 porsiyento.</p><p>Ang pagsang-ayon ay nanggaling sa lahat ng social classes: 85 porsiyento sa ABC, 96 porsiyento sa Class D at 92 porsiyento sa Class E.</p><p>Sa survey, 4 porsiyento ng respondents ang nagsabing hindi nila masabi kung sang-ayon sila o hindi habang 2 porsiyento ang disagree o hindi sang-ayon.</p><p>Ayon kay Gatchalian, makikita sa survey na napakalakas ng panawagan para sa pagbabalik ng face-to-face classes at hindi na dapat ito ipagpaliban para hindi mahuli ang sektor ng edukasyon sa pagbangon mula sa pandemya.</p><p>Ayon sa senador, malayo ang resulta ng pinakabagong survey sa katulad na survey na isinagawa noong Hunyo 2021, kung saan 44 porsiyento lang ng respondents ang sang-ayon sa pagbabalik ng mga bata sa face-to-face classes.</p><p>Magugunitang inanunsiyo ng Department of Education kamakailan na simula Nobyembre 4 sa darating na school year, lahat ng paaralan ay dapat magpatupad ng 100 porsiyentong face-to-face classes. Ipagbabawal na umano ang distance at blended learning.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2123395" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>Samantala, nanindigan ngayong Huwebes si Vice President Sara Duterte na hindi na maiuurong pa ang pagbubukas ng klase sa Agosto 22.</p><p>Ayon kay Duterte, na siya ring education secretary, naaprubahan na ni Pangulong Ferdinand Marcos Jr. at may department order na rin para sa pagbubukas ng klase sa Agosto.</p><p>&quot;Approved na ito ng ating Pangulo and mayroon na itong Department Order [No.] 34. So tutuloy na po tayo doon,&quot; ani Duterte.</p><p>Matatandaang nanawagan ang Teachers&#x27; Dignity Coalition na iurong ang pagbubukas ng klase dahil kulang pa umano sa pahinga at paghahanda ang mga guro.</p><ul class="op-related-articles">	<li><a href="https://news.abs-cbn.com/video/news/07/10/22/grupo-nais-iurong-ang-susunod-na-school-opening">Grupo ng mga guro gustong iurong ang susunod na school opening sa Setyembre</a></li></ul><p>Nanindigan din si Duterte na sa ngayon, hindi na rin mababago ang utos na dapat full face-to-face learning na sa Nobyembre.</p><p>Ito ay sa kabila ng apela ng mga pribadong paaralan na magupatad pa rin ng blended learning.</p><p>Ayon kay Duterte, dapat gamitin na lang ng mga paaralan ang transition period hanggang Oktubre 31 para ipatupad ang blended learning.</p><p>Iginiit din niyang may pag-aaral na pinagbasehan ang DepEd na nagsasabing face-to-face learning pa rin ang pinakamabisang paraan ng pagtuturo, lalo na sa mga batang galing sa mahirap na pamilya.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2123595" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>Sa isyu ng banta sa kalusugan, mayroong mga pag-aaral na nagsabing hindi malala ang sintomas ng COVID-19 sa mga bata kahit hindi pa sila bakunado, ani Duterte.</p><p>Ang mas delikado aniya sa sakit ay mga high-risk individual na may comorbidity na malapit sa mga bata. Sila umano ang nangangailangan ng bakuna.</p><p>&quot;Ang panawagan po namin doon sa mga pamilya na mayroon pong high risk na mga individuals sa loob ng bahay nila na magpabakuna po sila at magpa-booster... dahil mayroon silang po silang exposure and interaction sa mga bata na papasok po sa paaralan,&quot; ani Duterte.</p><p>Gayunman, tiniyak ni Duterte na bukas pa rin ang DepEd at si Pangulong Marcos na makipag-usap sa mga private school.</p><p>&quot;The Department of Education and of course the President is open na i-discuss &#x27;yong mga ganyan beyond October 31. But sa ngayon, this is what was approved,&quot; aniya.</p><div><strong>— Ulat nina Robert Mano and Joyce Balancio, ABS-CBN News</strong></div>

Pabor ang mayorya ng mga Pilipino sa pagbabalik ng face-to-face classes, batay sa isang kinomisyong survey sa Pulse Asia.