Push Admin

Umano'y magnanakaw ng bakal sa ginagawang condo, patay matapos barilin ng guwardiya

Article (news)

ABS-CBN News

<p>MANILA — Patay ang isang lalaki matapos barilin ng guwardiya dahil nahuli umano siyang nagnanakaw ng mga bakal sa ginagawang condominium sa Pasay City nitong Sabado ng gabi.</p><p>Kwento ng guwardiyang si Celso Piloton, pumasok sa loob ng construction site ang suspek na si Albert Javier habang naghihintay umano ang dalawa pang kasama nito sa labas ng gate. </p><p>Nakita umano ni Piloton na binaklas ni Javier ang maraming piraso ng bakal at isinilid sa isang sako.</p><p>&quot;Siyempre, sinita ko. Tapos nag-warning shot. Lumapit siya sa akin, inundayan ako ng saksak, yung ice pick. Dalawang beses akong sinaksak, umilag ako. Tapos pangatlo, sasaksakin ulit ako. Kaya napilitin na akong paputukan siya,&quot; kuwento ni Piloton.</p><p>Tinamaan ng bala sa dibdib si Javier.</p><p>Sabi ni Piloton, trabaho niyang bantayan ang construction site at dinepensahan lamang niya ang kaniyang sarili.</p><p>Kusa siyang sumuko sa pulisya ng Pasay City.</p><p>Ayon naman sa nobya ng biktima na si Elizabeth Briones, nag-iinuman sila ilang oras bago mangyari ang krimen kasama ang ilang kaanak at kaibigan para ipagdiwang ang kaniyang birthday. </p><p>&quot;Natutulog po kami sa kabilang tulay.... Wala po talaga akong alam. Para sa akin, hindi malaking rason iyong ganoon para mabaril. Mabait na tao ho siya, sa totoo lang,&quot; ani Briones.</p><p>Kasalukuyang iniimbestigahan ng mga pulis ang insidente at tinutugis ang umano&#x27;y dalawa pang kasamahan ni Javier. </p><div><strong>— Ulat ni Larize Lee, ABS-CBN News</strong></div><div><strong>KAUGNAY NA VIDEO</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2126841" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div>

Patay ang isang lalaki matapos barilin ng guwardiya dahil nahuli umano siyang nagnanakaw ng mga bakal sa ginagawang condominium sa Pasay City.