Push Admin

Mga nagpapabakuna vs COVID-19 sa Maynila, dagsa pa rin sa kabila ng masamang panahon

Article (news)

ABS-CBN News

<p>MAYNILA — Ilang araw nang masama ang panahon sa Kamaynilaan pero hindi pa rin nagpatinag ang mga gustong magpabakuna kontra COVID-19. </p><p>Sa Ospital ng Maynila sa Malate, mahaba ang pila para sa 1st dose ng mga kabilang sa priority sectors tulad ng mga health at economic frontliners, matatanda, at people with comorbidities. </p><p>May mga tolda para makasilong ang mga naghihintay makapasok sa ospital dahil sa pabugso-bugsong ulan.</p><ul class="op-related-articles">	<li><a href="https://news.abs-cbn.com/news/07/22/21/signal-no-1-raised-over-batanes-babuyan-islands-due-to-typhoon-fabian">Signal no. 1 raised over Batanes, Babuyan Islands due to Typhoon Fabian</a></li></ul><p>Ayon sa PAGASA, nakararanas ang Metro Manila at ibang lalawigan ng &quot;monsoon rains&quot; dahil sa habagat na ini-enhance ng bagyong Fabian. Nitong alas-10 ng umaga, ang sentro ng bagyo ay nasa 525 kilometers hilaga-silangan ng Itbayat, Batanes.</p><p>Nasa 500 ang inisyal na inilaang doses sa nasabing ospital, pero tulad ng mga nakalipas na araw, posibleng dagdagan pa ito depende sa dami ng mga gustong magpabakuna. </p><p>Maaga pa lang ay pumila na ang ilang residente. </p><p>Si Linda Villan, ilang oras na sa pila pero nagtitiyaga pa rin para mabakunahan. Bukod sa hirap na daw sa pila, nilalabanan rin niya ang takot sa karayom. </p><p>“Wala pa kaming almusal para lang umabot sa pila. Excited na kinakabahan. Takot ako sa karayom,&quot; ani Villan. </p><p>Samantala, una nang nagpunta sa isang mall si Teddy Valdueza, pero ni-refer siya sa Ospital ng Maynila dahil sa kanyang allergy. </p><p>“Ni-refer ako dito sa ospital kasi mayroon akong severe allergy. So dapat daw nasa hospital ako. Pagdating dito, in-accomodate na ako kasi pumila na ako doon. So far, okay naman,&quot; kuwento ni Valdueza.</p><p>Wala naman daw naging masamang epekto sa kanya ang bakuna at pinauwi rin matapos mabantayan ng kalahating oras sa observation area. </p><ul class="op-related-articles">	<li><a href="https://news.abs-cbn.com/news/07/22/21/group-backs-advance-prep-for-possible-delta-variant-infections-in-ncr">Group backs advance prep for possible Delta variant infections in NCR</a></li>	<li><a href="https://news.abs-cbn.com/news/07/21/21/philippines-covid19-cases-update-july212021">Philippines logs 6,560 more COVID-19 infections, highest this month</a></li></ul><p>Sabi ni Dr. Karl Laqui, direktor ng Ospital ng Maynila, may ilang umalis sa pila nang malamang hindi ang gusto nilang brand ng bakuna ang gagamitin. </p><p>Pakiusap ni Lagui, huwag na sanang mamili ng bakuna dahil lahat naman ng mga ito ay epektibo. </p><p>&quot;Ine-encourage namin lahat ng tao na magpabakuna. Kahit anong bakuna yan, effective yan. Lahat naman ng bakuna na ginagamit natin, recognized yan ng World Health Organization. &#x27;Wag na kayong mamili,&quot; sabi ng opisyal.</p><p>Naging cooperative naman ang mga residenteng gustong mabakunahan kontra COVID-19. </p><p>“Cooperative yung mga tao ngayon, compared last time na medyo nagkaproblema. If ever na may darating na sobra sa kanila, we can accommodate naman,&quot; aniya.</p><p>Nitong Martes, umabot na sa 15.6 million ang total administered doses sa bansa, kung saan nasa halos 10.6 million ang first dose. </p><p>Umaabot naman sa 5.03 million ang mga fully vaccinated sa COVID-19, nasa higit 5 buwan mula nang simulan ng pamahalaan ang vaccination program nito. </p><p>Halos 48,000 ang active COVID-19 cases sa bansa, ayon sa tala ng Department of Health. </p><ul class="op-related-articles">	<li><a href="https://news.abs-cbn.com/news/07/21/21/philippines-covid19-cases-update-july212021">Philippines logs 6,560 more COVID-19 infections, highest this month</a></li></ul><div><strong>- Ulat ni Jerome Lantin, ABS-CBN News</strong></div><div><strong>PANOORIN</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1731912" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div class="infogram-embed" data-id="_/yFVE69R1WlSdqY3aCsBF" data-title="COVID-19 VACCINE TRACKER PH" data-type="interactive"> </div><script type="text/javascript">!function(e,i,n,s){var t='InfogramEmbeds',d=e.getElementsByTagName('script')[0];if(window[t]&&window[t].initialized)window[t].process&&window[t].process();else if(!e.getElementById(n)){var o=e.createElement('script');o.async=1,o.id=n,o.src='https://e.infogram.com/js/dist/embed-loader-min.js',d.parentNode.insertBefore(o,d)}}(document,0,'infogram-async');</script>

<p>Sabi ni Dr. Karl Laqui, direktor ng Ospital ng Maynila, may ilang umalis sa pila nang malamang hindi ang gusto nilang brand ng bakuna ang gagamitin. <br /> </p>

Sabi ni Dr. Karl Laqui, direktor ng Ospital ng Maynila, may ilang umalis sa pila nang malamang hindi ang gusto nilang brand ng bakuna ang gagamitin.