Push Admin

2 traffic enforcer sa Pasig huli sa pangongotong sa UV Express driver

Article (news)

ABS-CBN News

<figure class="op-interactive"><iframe src="https://www.youtube.com/embed/jYWgczVTfj0?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Arestado sa entrapment operation ang 2 traffic enforcer ng Pasig City dahil sa umano&#x27;y pangongotong nila sa isang UV Express driver.</p><p>Ayon sa driver na si alyas &quot;Bong,&quot; pumapasada siya sa Ortigas Extension noong Huwebes nang hulihin ng 2 suspek dahil bawal daw magsakay ng pasahero doon.</p><p>&quot;Hinarangan ako, sabi obstruction daw, tapos binago nila violation ko. Bawal daw ako sa Ortigas dapat daw sa Floodway,&quot; reklamo ng tsuper.</p><p>Hindi tinikitan ang biktima, bagkus ay kinumpiska lamang ang lisensiya at ilang dokumento ng sasakyan.</p><p>Matapos kunin ang papeles ng sasakyan, pinabalik ang biktima ngayong Biyernes sa Ortigas, kaya nakahanap ng pagkakataon si Bong na mahuli ang mga suspek.</p><p>Pagkaabot ni Bong ng P1,000 marked money, kinamot niya ang kaniyang ulo hudyat para arestuhin ang 2 nangotong na enforcers.</p><p>&quot;Nagsumbong na siya dito at nag-set-up tayo ng entrapment operation. Nakita naman natin na itong 2 suspek in cahoots with each other. &#x27;Yung isa ang nanghuli at tumanggap ng papeles at kumuha ng kanyang lisensiya, isang tauhan naman ang tumanggap ng pera,&quot; sabi ni Police Col. Rizalito Gapas, hepe ng Pasig police.</p><p>Itinanggi naman ng mga suspek ang bintang.</p><p>Kakasuhan ang 2 ng robbery-extortion.</p><div><strong>—Ulat ni Maan Macapagal, ABS-CBN News</strong></div>

<p>Arestado ang 2 traffic enforcer ng Pasig City dahil sa umano'y pangongotong nila sa isang UV Express driver.</p>

Arestado ang 2 traffic enforcer ng Pasig City dahil sa umano'y pangongotong nila sa isang UV Express driver.