Push Admin

Pilipinas nagtala ng unang kaso ng monkeypox

Article (news)

ABS-CBN News

MAYNILA - May naitala nang kaso ng monkeypox sa bansa, ayon sa Department of Health (DOH). Na-detect ang sakit sa isang 31 anyos na Pinoy, ayon kay DOH alternate spokesperson Beverly Ho. May travel history umano ang pasyente sa mga bansang may naitalang kaso ng monkeypox, at nakumpirmang positibo ito sa sakit sa pamamagitan ng RT-PCR noong Hulyo 28. May 10 close contact ang pasyente at wala namang sintomas ang mga ito sa ngayon. Hindi naman nagbigay ng dagdag na impormasyon ang DOH sa pagkatao ng pasyente. Handa naman daw ang DOH na matunton ang virus at anila, magpo-procure sila ng smallpox vaccines na gagana laban sa monkeypox. <ul class="op-related-articles">	<li><a href="https://news.abs-cbn.com/video/news/07/25/22/doh-working-to-obtain-smallpox-vaccines-in-fight-vs-monkeypox">DOH working to obtain smallpox vaccines in fight vs. monkeypox</a></li></ul>Aabot sa 18,000 kaso ng monkeypox ang naitala sa buong mundo, ayon sa World Health Organization, kung saan 5 ang namatay at 10 porsiyento ang naospital. Sa kumpirmadong kaso sa buong mundo, 70 porsiyento ay galing Europa.Noong nakaraang linggo, idineklarang &quot;global public health emergency of international concern&quot; ng World Health Organization ang monkeypox. Kaibilang sa mga sintomas ng monkeypox ang lagnat, pananakit ng ulo, mga muscle at ng likod, pagkakaroon ng kulani at ng rashes. Maaaring mahawa ng monkeypox kung pumasok ang virus nito sa mga sugat sa balat, respiratory tract, mata, ilong, at bibig. Ibig sabihin, maaari itong maipasa sa pakikipagtalik pati na rin sa close contact gaya ng paghalik at pagyakap. Paglilinaw naman ng DOH na hindi ito gaya ng COVID-19 na isang airborne disease. &quot;Monkeypox is caused by a different microorganism, it&#x27;s different form COVID-19,&quot; ani Ho. &quot;Investigation of recent monkeypox cases in other endemic countries indicate potential transmission through sexual contact, it spreads mostly through intimate sexual contact with those who have rashes or open lesions. It is not like COVID-19 that spreads mostly through air,&quot; dagdag niya. Sa ngayon, 14 hanggang 21 araw ang isolation na inirerekomenda ng DOH para sa mga makakaranas ng sintomas na konektado sa monkeypox. Bagama&#x27;t may mga bakuna nang dine-develop para sa monkeypox, hindi pa inirerekomenda ng WHO ang mass vaccination kontra sa sakit. May sistema na ring nakahanda ang Bureau of Quarantine (BOQ) para mapigilan na mas marami pang kaso ng monkeypox ang pumasok sa bansa. &quot;The BOQ has screening questions about monkeypox, that&#x27;s the first line. Second is fever, may temp screening pa rin sa airports, and then &#x27;yung hindi lang makikita is the rashes, kung naka-long sleeves, efforts are going now na puwedeng patanggalin sila ng jacket. But this is probably the most difficult to screen from afar,&quot; ani Ho. <div>-- May ulat ni Wena Cos, ABS-CBN News</div>