Push Admin

Komunidad sa Mindoro, pinangangambahang 'mabura' sa mapa

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/u4mvnWheJos?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Hindi maiwasan ng barangay chairman na si Jose Peradilla na malungkot habang pinagmamasdan ang isang bahagi ng Sitio Barrio Site sa Barangay San Agustin sa bayan ng San Jose, Occidental Mindoro.Kuwento niya, maraming residente ang nakatira noon sa lugar, na dati ring taniman ng palay at mais.Pero noong 2012, rumagasa ang tubig mula sa Busuanga River at hindi na bumalik ang mga residente.Nagkaroon ng bagong malaking ilog at ang kalapit na Sitio Lamis ay mistulang naging isla sa Barangay San Agustin.Gumuho ang lupa, mga bahay, at gusali.Isang bangka ang ginagamit ng mga residente ng Sitio Lamis upang matawid ang ilog pero hindi ito nagagamit kapag malakas ang ragasa ng tubig kaya may mga pagkakataong hindi sila nakalalabas. &quot;&#x27;Yong mga pamilya namin di namin alam kung paano sila isasalba,&quot; anang residenteng si Antonio Cortes.Lalo pang tumindi ang pagguho ng lupa sa lugar kamakailan nang bumaha noong nakaraang linggo bunsod ng malakas na buhos ng ulan. Magugunitang isinailalim pa sa state of calamity ang lalawigan dahil sa matinding pagbaha.<ul class="op-related-articles">	<li><a href="http://news.abs-cbn.com/news/07/28/18/ilang-bayan-sa-occidental-mindoro-lubog-pa-rin-sa-baha">Ilang bayan sa Occidental Mindoro lubog pa rin sa baha</a></li>	<li><a href="http://news.abs-cbn.com/news/07/23/18/occidental-mindoro-isinailalim-sa-state-of-calamity">Occidental Mindoro, isinailalim sa state of calamity</a></li></ul>May ginawa namang gabion ang Department of Public Works and Highways (DPWH) sa may Busuanga River pero hindi ito natapos dahil umano sa kakulangan ng pondo.&quot;Kaya nga po magre-request tayo ng funding para sa 2019 para madugtungan po ito,&quot; ani Josefino Melgar Jr., inhenyero sa sangay ng DPWH sa Occidental Mindoro.Pinangangambahan tuloy ni Peradilla na kapag hindi nagawa ang gabion ay tuluyang mabura sa mapa ang ilang bahagi ng barangay dahil sa baha.&quot;Hindi lamang Sitio Lamis ang maaaring mawala, mabubura po ito sa Barangay San Agustin, pati itong Sitio Barrio Site at maaari po itong Santa Fe ay makuha rin po ng Busuanga,&quot; ani Peradilla.Habang wala pa ang pondo para sa pagpapagawa ng dike, magsasagawa muna ang DPWH ng dredging o paglilinis sa ilog.Umaasa naman ang mga apektadong residente na babalik sa dati ang Sitio Lamis para maging normal na ulit ang kanilang pamumuhay.<div>-- Ulat ni Dennis Datu, ABS-CBN News</div>

Isang komunidad sa bayan ng San Jose, Occidental Mindoro ang tila naging isla na at nanganganib pang mabura sa mapa dahil sa patuloy ng pagragasa ng baha sa kanilang lugar.

Isang komunidad sa bayan ng San Jose, Occidental Mindoro ang tila naging isla na at nanganganib pang mabura sa mapa dahil sa patuloy ng pagragasa ng baha sa kanilang lugar.