Sa ika-30 anibersaryo ng DZMM, ginunita ng ilang batikang Radyo Patrol reporters ang mga hindi nila malilimutang coverages.

Inalala ni Radyo Patrol 23 Leddy Tantoco at DZMM reporter Jonathan Llanes ang coverage nila noong 1990s.

Ikinuwento ni Tantoco ang kanyang pagsisimula sa DZMM bilang reporter, at isa sa una niyang tinutukan ay ang trahedya sa pagoda sa Bocaue, Bulacan noong 1993 kung saan maraming namatay.

Hindi naman malilimutan ni Llanes ang kanyang pagtutok sa Ozone Disco tragedy noong 1996, kung saan tinatayang nasa 400 ang namatay sa loob ng disco dahil sa sunog.

Ang DZMM 630 ay unang umere noong Hulyo 22, 1986 matapos makuha ang frequency 630 mula sa DWWW 630 na kontrolado ng rehimeng Marcos.