Push Admin

Rider patay, angkas sugatan sa aksidente sa Capiz

Article (news)

ABS-CBN News

<p>Patay ang rider habang sugatan ang kaniyang angkas matapos bumangga ang sinasakyan nilang motorsiklo sa poste ng ilaw sa Tapaz, Capiz noong Sabado.</p><p>Nakilala ang namatay na rider bilang si Jhan Winold Parsellano, 24, habang ang angkas naman ay si Rafil Casa, 23.</p><p>Sa imbestigasyon ng Tapaz police, sakay sa motorsiklo ang 2 biktima galing sa bayan ng Bingawan, Iloilo. Ihahatid sana umano ni Parsellano si Casa sa bahay nito sa Barangay Switch, Tapaz.</p><p>Pagdating sa lugar ay nawalan ng kontrol si Parsellano, dahilan para bumangga ang minamanehong motorsiklo sa poste ng ilaw.</p><p>Sa lakas ng pagkabangga ay tumilapon ang 2 sakay ng motorsiklo at nawasak ang unahang bahagi ng motorsiklo.</p><p>Napag-alaman na parehong nakainom ng alak at walang suot na helmet ang 2 biktima nang mangyari ang insidente, ayon sa Tapaz police.</p><p>Agad dinala sa ospital ang mga biktima pero idineklarang dead on arrival si Parsellano matapos magtamo ng malubhang sugat.</p><p>Patuloy naman na ginagamot si Casa at nasa ligtas na kalagayan na.</p><p>— Ulat ni Rolen Escaniel</p><div><strong>FROM THE ARCHIVES</strong></div><figure class="op-interactive"><iframe height="315" src="https://www.youtube.com/embed/7-o0sS62WlM?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

<p>Napag-alaman na parehong nakainom ng alak at walang suot na helmet ang 2 biktima nang mangyari ang insidente, ayon sa Tapaz police.<br /> </p>

Napag-alaman na parehong nakainom ng alak at walang suot na helmet ang 2 biktima nang mangyari ang insidente, ayon sa Tapaz police.