Push Admin

Miyembro ng PNP, kasapi umano ng Abu Sayyaf

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2021/news/08/01/20210801_pnp.jpg"/><figcaption>Iprinesenta sa media nitong Agosto 1, 2021 si Masckur Adoh Patarasa, isang pulis na miyembro pala ng Abu Sayyaf Group.</figcaption></figure></div><p>ZAMBOANGA CITY — Isang miyembro ng Philippine National Police (PNP) ang natuklasang miyembro umano ng Abu Sayyaf Group (ASG).</p><p>Iprinesenta ngayong Linggo ni PNP Chief Gen. Guillermo Eleazar si Masckur Adoh Patarasa na naaresto noong Biyernes sa isang joint police operation.</p><p>May kinahaharap na kasong kidnapping with serious illegal detention si Patarasa, na kilala rin bilang si alyas &quot;Makong&quot; o &quot;Omair Sali Taib,&quot; sa isang korte sa Isabela City, Basilan, ayon kay Eleazar.</p><p>Si Patarasa ay isa rin umanong finance at logistics liaison officer ng Dawla Islamiya at ASG, at kasali sa Martial Law Arrest Order No. 1 noong Marawi siege noong 2017.</p><p>Lumabas sa imbestigasyon na binalak ni Patarasa na magpadala ng pondo sa mga ASG member na lumalaban sa Marawi.</p><p>Sinasabing bayaw rin ni Patarasa si Isnilon Hapilon, isa sa mga nanguna sa panig ng mga terorista sa Marawi siege.</p><p>Taong 2015 nang sumali sa PNP si Patarasa, na aktibong non-uniformed personnel sa Banguingui Municipal Police Station sa Sulu.</p><p>Ayon kay Eleazar, hihigpitan ang pag-screen sa mga aplikanteng papasok sa PNP.</p><p>&quot;Kaya ayaw natin na makapasok sila sa palakasan or padrino system,&quot; ani Eleazar.</p><p>Ipinaliwanag ni Eleazar na nagsasagawa pa rin ang PNP ng background investigation sa mga tauhan nito kahit ilang taon nang nakapasok ang mga ito sa serbisyo.</p><p>Ayon kay Eleazar, sisibakin sa serbisyo si Patarasa, na haharapin ang 7 kasong nakasampa laban sa kaniya.</p><p>Inaalam din umano kung may iba pang mga kasabwat sa loob ng PNP si Patarasa.</p><p>— Ulat ni Quennie Casimiro</p><div><strong>RELATED VIDEO</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1691912" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

<p>Isang miyembro ng Philippine National Police ang natuklasang miyembro pala ng Abu Sayyaf Group.</p>

Isang miyembro ng Philippine National Police ang natuklasang miyembro pala ng Abu Sayyaf Group.