Push Admin

Koleksiyon ng basura sa QC, naaantala dahil sa pagsasara ng Payatas

Article (news)

ABS-CBN News

<figure class="op-interactive"><iframe allowfullscreen="" frameBorder="0" height="315" src="https://www.youtube.com/embed/9fhCRVQ30v8" width="560"></iframe></figure>Problema ngayon ng ilang barangay sa Quezon City ang pangongolekta at pagtatapunan ng basura kasunod ng pagsasara ng Payatas sanitary landfill.Kagabi pa dapat naka-schedule na kunin ang tambak na basura sa Barangay Sacred Heart sa Quezon City pero kaninang umaga lang nakolekta.Ayon sa kolektor ng basura na si Andres Gaman, delayed na sila sa garbage collection schedule dahil sa Rizal pa nila dinadala ang basura mula nang hindi na payagang magtapon sa Payatas sanitary landfill.Samantala, mga nabubulok na basura lang muna ang ipinalalabas sa mga residente sa Granwood Villas sa Barangay Holy Spirit ngunit hindi na rin ito nakokolekta ng barangay.Dahil dito, isang linggo nang nakatambak ang nasa 30 drum ng mga basura na nangangamoy na.Pinangangambahan ng mga residente na baka magkasakit na ang mga bata dahil sa baho at langaw na dulot ng nabubulok na basura.Ayon naman sa barangay, hindi sila makapangolekta dahil puno pa ng basura ang 14 nilang truck.Hindi na sila makapagtapon sa Payatas at humihingi pa ng clearance para makapagtambak ng basura sa Rizal.Miyerkoles nang sabihan ng Department of Environment and Natural Resources (DENR) ang pamunuan ng Payatas sanitary landfill na itigil muna ang operasyon bunsod ng peligrong dala ng tuloy-tuloy na pag-ulan.Nakaplano na ring ipasara ang landfill sa katapusan ng taon para maiwasan ang landslide.<ul class="op-related-articles">	<li><a href="http://news.abs-cbn.com/news/08/03/17/payatas-sanitary-landfill-balak-ipasara-sa-katapusan-ng-2017">BASAHIN: Payatas sanitary landfill, balak ipasara sa katapusan ng 2017</a></li></ul>Ang Metropolitan Manila Development Authority ang namamahala sa solid waste management sa Metro Manila at siyang naatasang humanap ng pagtatambakan ng basura ng siyudad.Tatlong sanitary landfill ang puwede nang pagtapunan ng basura ng Quezon City: sa Navotas, sa San Mateo at sa Rodriguez, Rizal.Binigyan na rin ng access pass ng Manila government ang mga garbage truck sa may pier papuntang Navotas mula alas-11 ng gabi hanggang ika-5 ng umaga.<div>-- Ulat ni Carolyn Bonquin, ABS-CBN News</div>

Problema ngayon ng ilang barangay sa Quezon City ang pangongolekta at pagtatapunan ng basura kasunod ng pagsasara ng Payatas sanitary landfill.

Problema ngayon ng ilang barangay sa Quezon City ang pangongolekta at pagtatapunan ng basura kasunod ng pagsasara ng Payatas sanitary landfill.