Bato, may babala sa mga 'matutulis' na pulis

Mga matutulis na pulis, binalaan ni PNP chief Dela Rosa | via @dzmmPatrol44 pic.twitter.com/EnI2UidEYq

— DZMM TeleRadyo (@DZMMTeleRadyo) August 5, 2016

"I will treat you more than a drug lord."

Ito ang babala ni Philippine National Police chief Ronald "Bato" Dela Rosa sa mga 'matutulis' na pulis.

Sa pagdalo niya sa anibersaryo ng PNP Retirement Benefits Service, Biyernes, sinabi ni Dela Rosa na bukod sa reklamong mabagal ang pagpapalabas ng benepisyo ng mga retiradong pulis at kompensasyon para sa mga nasawing awtoridad, nakatatanggap din aniya ang Pangulong Duterte ng reklamo laban sa mga pulis na pinapatos ang biyuda ng mga kabaro.

"Maraming nakakarating sa kanya (Duterte) na complain na sa kakabalik ng biyuda rito para mag-claim ng namatay 'yung husband niya, pagdating dito pahirapan ng PNCO (police non-commissioned officer) na matutulis hanggang sa mag-give in ang biyuda."

"I hope wala na dito ang mga PNCO na iyon kasi kung andito pa iyon, I will treat you more than a drug lord. Una ko kayong papatayin talaga." -- Henry Atuelan, DZMM