Push Admin

Trahedya sa Iloilo-Guimaras: Paghahanap sa mga nawawala tuloy

Article (news)

ABS-CBN News

<figure class="op-interactive"><iframe src="https://www.youtube.com/embed/tuoRlV5dBtc?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Nagpatuloy ngayong Lunes ang paghahanap sa mga nawawalang pasaherong sakay ng 3 bangkang magkahiwalay na tumaob sa Iloilo Strait nitong Sabado.</p><p>Ayon sa mga awtoridad, dahil sa masamang panahon, pahirapan ang search and retrieval operations sa 6 pang nawawala.</p><p>Kabilang sa mga tumutulong sa paghahanap ang Philippine Air Force na nag-ikot sa bahagi ng Iloilo Strait.</p><p>Gumamit naman ng tugboat ang Philippine Coast Goard.</p><p>&quot;The 6 missing doesn&#x27;t mean that all of them at sea or at water pa,&quot; ani Allan Victor dela Vega, commander ng Coast Guard District-Western Visayas.</p><p>&quot;Puwedeng na-wash out na sa coast o sa shoreline. They could possibly be washed up to Negros Occidental,&quot; dagdag ni Dela Vega.</p><p>Lumubog noong tanghali ng Sabado ang M/B Chi Chi at M/B Keshia habang alas-4 ng hapon nang tumaob ang M/B Jenny Vince dahil sa malalakas na hangin at alon.</p><p>Umabot naman sa 28 ang bilang ng mga namatay sa pagtaob ng mga bangka.</p><p>May hiwalay na imbestigasyon ang Maritime Casualty Investigator at Maritime Industry Authority (Marina) kaugnay ng nangyari.</p><p>Sa paunang imbestigasyon, wala umanong problema ang mga bangka at nadale lamang ng masamahang panahon.</p><p>Iginiit naman ng Philippine Coast Guard (PCG) na walang weather disturbance bago ang insidente kaya hindi agad napahinto ang biyahe ng mga bangka.</p><p>&quot;Walang prohibition,&quot; ani PCG spokesperson Captain Armand Balilo.</p><p>Iniimbestigahan din kung bakit wala sa passenger manifest ang ilang sakay.</p><p>Inaayos ang insurance claim sa mga biktima pero tanging mga nakasulat lang sa passenger manifest ang puwedeng mag-claim.</p><p>Kanselado pa rin ang biyahe ng mga bangka at tanging RORO lang ang puwedeng tumawid ng Guimaras.</p><p>Pinaiimbestigahan naman ng Marino party-list ang nangyaring trahedya.</p><p>Nagpahayag ng pakikiramay ang Malacañang sa mga namatayan.</p><figure class="op-interactive"><iframe src="https://www.youtube.com/embed/XZh8-eOTzuA?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>MGA SAKAY, DI NAGSUOT NG LIFE JACKET</strong></div><p>Ikinuwento naman ng ilang nakaligtas sa trahedya ang kanilang pinagdaanan nang lumubog ang mga sinasakyang bangka.</p><p>Ayon Al Salazar, kahit may life jacket sa bangka, hindi ito isinuot ng ibang mga pasahero.</p><p>May mga naghanap pa raw ng life jacket habang pataob ang bangka.</p><p>Nakaligtas sa pagtaob ng M/B Chi Chi si Fred Malayo, isang mangingisda.</p><p>Ayon kay Malayo, tinulungan pa niya ang crew ng bangka para mabalanse ito pero hindi na nila nakayanan dahil malakas ang hangin.</p><p>Inamin ni Malayo na hindi siya nagsuot ng life vest.</p><div><strong>-- Ulat nina Cherry Palma at Joyce Clavecillas, ABS-CBN News</strong></div>

<p>Patuloy ang paghahanap sa mga nawawalang pasaherong mula sa 3 bangkang tumaob sa Iloilo Strait.</p>

Patuloy ang paghahanap sa mga nawawalang pasaherong mula sa 3 bangkang tumaob sa Iloilo Strait.