Push Admin

'No vaccine, no work' policy ng ilang kompanya inireklamo; DOLE nagbabala

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1744102" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>MAYNILA — May agam-agam ang guwardiyang si Jestoni Sabuco sa pagpapabakuna kontra COVID-19 pero ang nagpakaba sa kanya nang husto ay ang banta umano ng kaniyang agency.</p><p>&quot;&#x27;Pag daw po hindi kami magpabakuna po, sabi ng inspector eh matatanggal po, mafo-floating [status] kami,&quot; aniya.</p><p>Ayon sa Kilusang Mayo Uno (KMU), marami silang natatanggap ngayong reklamo tungkol sa &quot;no vaccine, no work&quot; policy.</p><p>Kaya hamon nila sa Department of Labor and Employment (DOLE), paigtingin ang inspection sa employers.</p><p>&quot;Malalakas ang loob ng mga kompanya na gawin ito kasi wala namang nag-i-inspect sa kanila... &#x27;Yung pormal na complaint na pumasok sa amin, mga 4 na company ito, combination po ito ng mga security agency tapos merong construction, meron pang isang GOCC,&quot; ani KMU secretary general Jerome Adonis.</p><p>Babala naman ng DOLE, ilegal ang &quot;no vaccine, no work&quot; policy.</p><p>&quot;It is an illegal policy especially so na kulang pa tayo ng supply ng vaccine so logic even demands na wag muna tayong magpilit,&quot; ani DOLE Secretary Silvestre Bello III.</p><p>Sa isang Labor advisory na inilabas noong Marso, malinaw na bawal tanggalin sa trabaho o pagkaitan ng sahod, benepisyo at iba pang karapatan ang isang manggagawang ayaw magpabakuna.</p><p>Bukod naman sa mga manggagawa sa pribadong sektor, ilang manggagawa rin ng gobyerno ang nakararanas umano ng &quot;no vaccine no work&quot; policy.</p><p>Sa isang memo na nakuha ng ABS-CBN News, hindi pinapapasok at pinapakuha ng leave ang mga mangagawa ng isang ahensiya na hindi pa nabakunahan.</p><p>Ayon sa Civil Service Commission (CSC), bawal ito.</p><p>&quot;Voluntary po ang pagbabakuna wala ring issuance ang Office of the President na mandatory ang vaccination. Maraming violation [like] grave abuse of authority, etcetera,&quot; Ani CSC Commissioner Aileen Lizada. </p><p>Paalala naman ng DOLE at CSC, imbes manakot, responsibilidad ng mga employer na ipaliwanag sa mga manggagawa ang kahalagahan ng bakuna. </p><div><strong>—Ulat ni Zen Hernandez, ABS-CBN News</strong></div>

Ayon sa Kilusang Mayo Uno, marami silang natatanggap ngayong reklamo tungkol sa 'no vaccine, no work' policy.