Push Admin

Ilang lugar sa Visayas, Mindanao nakaranas ng matinding baha, landslide

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Mga residente ng Davao City na inilikas kasunod ng pag-apaw ng mga ilog bunsod ng masamang panahon. Retrato mula kay Renante Luna" src="https://sa.kapamilya.com/absnews/abscbnnews/media/2022/tvpatrol/08/09/davao-(1).jpg"/><figcaption>Mga residente ng Davao City na inilikas kasunod ng pag-apaw ng mga ilog bunsod ng masamang panahon. <em>Retrato mula kay Renante Luna</em></figcaption></figure></div><p>Nakaranas ng matinding pagbaha at pagguho ng lupa ang ilang lugar sa Visayas at Mindanao dahil sa malakas na buhos ng ulan nitong nagdaang magdamag.</p><p>Sa Davao City, isang lalaki ang nawawala habang 233 pamilya ang lumikas gabi ng Lunes dahil sa pagbaha, ayon sa City Disaster Risk Reduction and Management Office (CDRRMO).</p><p>Nawala ang lalaki matapos tangayin ng malakas na agos ng tubig sa Barangay Tamugan, ayon kay Alfredo Baloran, hepe ng Davao CDRRMO.</p><p>Daan-daang pamilya naman ang inilikas sa Barangay Matina Crossing at Barangay Bankerohan matapos umapaw ang Davao at Talomo River.</p><p>Binaha rin ang maraming lugar sa downtown Davao, dahilan para ma-stranded ang maraming motorista at commuter, base sa monitoring ng CDRRMO.</p><ul class="op-related-articles">	<li><a href="https://news.abs-cbn.com/news/08/09/22/severe-flooding-drenches-davao-city-some-towns-in-cebu">Severe flooding drenches Davao City, some towns in Cebu</a></li></ul><p>Karamihan sa mga lumikas ay umuwi na nitong umaga ng Martes, pero may ilang nanatili pa rin sa evacuation center dahil sa baha.</p><p>Bukod sa masamang panahon, binaha rin ang lungsod dahil sa high tide na umabot sa 6 talampakan ang taas, ani Baloran.</p><div class="embed-wrap"><figure data-feedback="fb:likes,fb:comments"><img alt="Baha sa Kabacan, Cotabato. Retrato mula sa Kabacan Local Government Unit" src="https://sa.kapamilya.com/absnews/abscbnnews/media/2022/tvpatrol/08/09/cotabato.jpg"/><figcaption>Baha sa Kabacan, Cotabato. <em>Retrato mula sa Kabacan Local Government Unit</em></figcaption></figure></div><p>Binaha rin nitong umaga ng Martes ang ilang lugar sa bayan ng Kabacan, Cotabato bunsod ng magdamag na ulan, kung saan apektado ang nasa 1,000 pamilya.</p><p>Agad nagsagawa ng rescue operation ang mga kawani ng municipal disaster office sa mga binahang residente.</p><p>Naghahanda na umano ang lokal na pamahalaan ng pagkaing ipapamahagi sa mga apektadong pamilya pati ayuda.</p><p>Sa bayan ng Alegria, Cebu, tumugon ang municipal disaster office sa landslide sa may Lower Kawasan Montpellier.</p><p>Pinalikas na umano ang mga residente sa lugar habang isinasagawa ang clearing operation.</p><div class="embed-wrap"><figure data-feedback="fb:likes,fb:comments"><img alt="Landslide sa Lower Kawasan Montpellier sa Alegria, Cebu. Retrato mula sa Alegria Disaster Risk Reduction and Management Office" src="https://sa.kapamilya.com/absnews/abscbnnews/media/2022/tvpatrol/08/09/cebu.jpg"/><figcaption>Landslide sa Lower Kawasan Montpellier sa Alegria, Cebu. <em>Retrato mula sa Alegria Disaster Risk Reduction and Management Office</em></figcaption></figure></div><p>Sa Cebu City, nagsagawa ng rapid disaster assessment at needs analysis sa ilang barangay kung saan nagkaroon ng landslide nitong mga nagdaang araw.</p><p>Patuloy ring nililinis at dine-dredge ng lokal na pamahalaan ng Cebu City ang mga ilog na umapaw noong nakaraang linggo, na nagdulot ng pagbaha.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2164262" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>Sa Negros Oriental, nakaranas umano ng matinding pagbaha noong gabi ng Lunes ang mga barangay ng Calamba at Poblacion sa Guihulangan City.</p><p>Nagtaas rin ng Alert Level 1 sa landslide-prone areas na Barangay Planas at Humayhumay.</p><p>Inaalam na ng lokal na pamahalaan ng Guihulangan kung anong tulong ang maaari nitong maihatid sa mga taong napinsala ang tahanan dahil sa baha.</p><p>Nagdeklara ngayong Martes ng class suspension sa lahat ng antas sa Guihulangan kasunod ng pagbaha.</p><div><strong>— Ulat nina Hernel Tocmo, Maricel Butardo at Annie Perez</strong></div>

Isang lalaki ang nawawala habang 233 pamilya naman ang inilikas bunsod ng pagbaha sa ilang lugar sa Davao City noong gabi ng Lunes.