Push Admin

Jeep na maghahatid ng mga dadalo sa kasal, nadisgrasya sa CamSur; 3 patay

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2164322" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>Isang pribadong jeepney ang nahulog sa nasa 50-feet na bangin sa bulubunduking bahagi ng Brgy. San Vicente, Baao, Camarines Sur nitong Martes.</p><p>Galing sa Brgy. Caranday, maghahatid sana ang jeep, na pag-aari at minamaneho ni Baao municipal councilor Benjamin Blanquera, ng 31 pasahero sa Brgy. Masoli sa bayan ng Bato para sa kasal ng isa sa mga sakay nito.</p><p>Magkakamag-anak umano ang sakay ng jeep na mula sa mga barangay ng Caranday, Del Pilar at Sta. Teresa, ayon sa investigator-on-case na si Police Staff Sergeant Edwin Salcedo.</p><p>Bukod sa limang menor de edad, kabilang ang groom sa 28 sugatan na dinala sa iba’t ibang ospital sa Iriga City, habang kasama sa tatlong di pinalad makaligtas ang 61-anyos niyang ina.</p><ul class="op-related-articles">	<li><a href="https://news.abs-cbn.com/news/08/01/22/menor-de-edad-patay-nang-madaganan-ng-mixer-sa-benguet">Menor de edad patay nang madaganan ng mixer sa Benguet</a></li></ul><p>Nahirapan ang rescuers sa pagkuha sa isa sa mga bangkay dahil naipit sa unahan ng jeepney.</p><p>Ayon kay Salcedo, overloaded ang jeep na may 32 sakay, kabilang ang driver. Ang ibang pasahero aniya ay nasa ibabaw pa nga ng sasakyan.</p><p>Pero sabi ng driver na konsehal, pumalya ang preno ng jeepney pagsapit sa accident-prone na paliko at pabulusok na bahagi ng kalsada.</p><p>Nakikipag-ugnayan na ang pamilya ng konsehal sa mga biktima para matulungan, kaya posibleng di na sila magsampa ng kaso laban dito, ayon sa pulis. <strong>- Ulat ni Jonathan Magistrado</strong></p>

Tatlo ang patay at 28 ang sugatan nang mahulog ang sinasakyan nilang jeep sa bangin sa Baao, Camarines Sur nitong Martes. Dadalo sana ang mga ito sa isang kasal. 