Push Admin

Paghahain ng warrant of arrest ng mga pulis sa Taguig nauwi sa engkwentro

Article (news)

ABS-CBN News

TAGUIG — Nauwi sa engkuwentro ang paghahain ng warrant of arrest ng mga tauhan ng Regional Mobile Force Battalion (RMFB) ng National Capital Region Police Office (NCRPO) sa Barangay Tanyag, Taguig City, gabi ng Miyerkoles. Sa inisyal na imbestigasyon, hinarang ng mga operatiba ang suspek para ihain ang warrant para sa kasong frustrated homicide. Pero nang magpakilalang pulis ang mga operatiba, bigla umanong bumunot ng baril ang suspek at umeskapo na nagresulta sa engkwentro.Sa pagtakas, tumagilid ang sasakyan ng suspek.Sa eksklusibong video na ibinigay sa ABS-CBN News, maririnig ang mga putok ng baril at komosyon.Ikinagulat ng ilan sa mga residente sa lugar ang insidente. “Narinig na lang po may tatlo o apat na putok po yun, parang nagulat din po ako, yun nga bakit may nagbarilan diyan sa gilid.” sabi ni Niña Rabellosa, residente.Bakas pa sa sasakyan ng suspek ang nagkabasag-basag na salamin at mga bakas ng dugo. Butas din ang gulong nito.Dinala na ang sasakyang gamit ng suspek sa Camp Bagong Diwa sa Taguig na lumalabas na carnap at may alarma sa Caloocan.Narekober umano sa suspek ang kalibre 38 baril, mga basyo at di pa nagamit na bala.Kasalukuyang nagpapagaling sa ospital ang suspek na didiretso sa kulungan kapag nagpagaling na sila. Bukod sa mga kasong frustrated homicide at carnapping, idadagdag sa asunto niya ang direct assault at panibagong frustrated homicide dahil sa pagpapaputok sa mga pulis.

Nauwi sa engkuwentro ang paghahain ng warrant of arrest sa Taguig City, gabi ng Miyerkoles. 