Push Admin

‘Mas malala sa ibang bansa’: DTI pumalag sa puna sa pagsipa ng inflation

Article (news)

ABS-CBN News

Pumalag si Department of Trade and Industry (DTI) Secretary Mon Lopez sa pahayag ng isang mambabatas na ang patuloy na pagsipa ng inflation sa bansa ay ang unang &quot;near crisis&quot; ng administrasyon ni Pangulong Rodrigo Duterte. Ayon kasi kay Lopez, hindi kakaiba ang pagbilis ng inflation sa Pilipinas at maging sa ibang bansa pero inamin niyang nakadagdag dito ang excise tax bunsod ng Tax Reform for Acceleration and Inclusion (TRAIN) law.&quot;Iyung timing [can be blamed] pero hindi po first near crisis kasi may mga worse pa na bansa or historically na pumalo more than 10 percent. Iyong isang bansa nga sa South America, 30 percent &#x27;yung inflation,&quot; depensa ni Lopez.Matatandaang sinabi ni Albay Rep. Joey Salceda na posibleng krisis ang isyu ng bansa ngayon sa inflation dahil puwede itong magresulta sa labis na kahirapan at gutom. &quot;This is already, I would say, the first near crisis for the administration kasi it will create more poor people and definitely hungry people,&quot; aniya.<ul class="op-related-articles">	<li><a href="https://news.abs-cbn.com/business/08/07/18/inflation-quickens-for-7th-straight-month">Inflation quickens for 7th straight month</a></li></ul>Naitala sa 5.7 porsiyento ang inflation nitong Hulyo, ang pinakamataas na antas nito sa limang taon. Pero ayon kay Lopez, tumaas ang presyo ng produktong petrolyo sa pandaigdigang merkado kaya&#x27;t sumunod na rin ang pagtaas ng presyo ng ibang bilihin.&quot;Iyung sa&#x27;tin, ano pa ito, siguro mild, moderate. Ayaw naman natin siyempre mag-worsen,&quot; giit ng kalihim.<div>IMPORTASYON</div>Samantala, magkakaroon ng pulong ang DTI kasama ang livestock owners upang pag-usapan ang napipintong importation ng ilang basic commodities.<ul class="op-related-articles">	<li><a href="http://news.abs-cbn.com/business/08/08/18/importasyon-nakikitang-tugon-ng-gobyerno-sa-pagsipa-ng-inflation">Importasyon nakikitang tugon ng gobyerno sa pagsipa ng inflation</a></li></ul>&quot;Ang talagang mayroong agreement na mag-import tayo dahil sa kakulangan would be sugar, isda. Iyong mga ingredient, kunwari tawag du&#x27;n feed weed. That will go to the feeds ng mga livestock, ng poultry at ng baboy,&quot; rebelasyon ni Lopez.Paniguro ni Lopez, magkakaroon ng quota system sa importation at kabilang ito sa kanilang pag-uusapan.<div>—Ulat ni Arra Perez, ABS-CBN News</div>

Ayon kasi kay DTI Secretary Mon Lopez, hindi kakaiba ang pagbilis ng inflation sa Pilipinas at maging sa ibang bansa.

Ayon kasi kay DTI Secretary Mon Lopez, hindi kakaiba ang pagbilis ng inflation sa Pilipinas at maging sa ibang bansa.