Push Admin

Enrollment sa mga pampublikong paaralan umarangkada na

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="" Drop="" box="" ng="" isang="" paaralan="" sa="" Mandaluyong="" src="http://sa.kapamilya.com/absnews/abscbnnews/media/2021/news/08/16/20210816-enrollment-dropbox.jpg?ext=.jpg"/><figcaption>&#x27;Drop box enrollment&#x27; ng isang paaralan sa Mandaluyong City nitong Agosto 16, 2021.<em> ABS-CBN News</em></figcaption></figure></div><p>Pagdating ng enrollment drop box ng Mandaluyong Elementary School sa barangay hall ng Barangay Poblacion nitong Lunes, kumuha agad ng form si Cosme Gonowon.</p><p>Ie-enroll niya ang kaniyang anak, na isa sa 9 na pag-aaralin niya sa parating na school year 2021-2022.</p><p>&quot;Mas [magaan] ang proseso dahil nandito sa barangay kaysa pupunta pa ng eskuwelahan,&quot; ani Gonowon.</p><p>Ini-scan naman ni Emelyn Campos ang QR Code sa Facebook page ng Mandaluyong Elementary School para i-enroll ang anak sa Grade 6 sa pasukan.</p><p>&quot;Mas convenient kasi hindi ka na kailangang umalis, mas safe,&quot; ani Campos, na ikinuwento ring nami-miss ng kaniyang anak ang face-to-face classes.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1748997" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Ang Mandaluyong Elementary School ang magpoproseso ng mga isinumiteng enrollment form sa tulong ng mga gurong pinapapasok sa ilalim ng skeletal workforce.</p><p>Nakiusap ang Department of Education (DepEd) sa inilabas nitong enrollment guidelines na hangga&#x27;t maaari ay mga fully vaccinated na tauhan ang mangasiwa ng enrollment.<br/> </p><ul class="op-related-articles">	<li><a href="https://news.abs-cbn.com/news/08/15/21/public-school-enrollment-starts-aug-16-deped">Enrollment in public schools starts August 16: DepEd</a></li></ul><p>Sa guidelines, remote enrollment ang gagamitin sa enrollment period mula Agosot 16 hanggang umpisa ng klase sa Setyembre 13.</p><p>Kasama rito ang pagtatalaga ng mga dropbox para roon kumuha at punan ang enrollment form, at online na pagsumite ng form, na maaaring ma-download sa websites ng DepEd at mga paaralan.</p><p>Maaari rin umanong mag-ugnayan ang mga magulang at guro sa pamamagitan ng tawag, text at social media.</p><p>Bilang konsiderasyon ngayong may pandemya, puwedeng kumpletuhin hanggang Disyembre 31 ang documentary requirements tulad ng birth certificate, resulta ng mga assessment exam at iba pa.</p><p>Muling iginiit ng DepEd na sa pagbabalik-eskuwelahan ng mga bata, wala pa ring face-to-face classes maliban na lang kung papayagan ni Pangulong Duterte.</p><p>Noong nagdaang school year, umabot sa 22.7 milyon ang enrollment sa public schools.</p><p>Nasa 26.6 milyon naman ang kabuuang enrollment sa Pilipinas, kasama ang public at private schools, Alternative Learning System, state at local universities na nag-aalok ng basic education, at Philippine schools sa ibang bansa.</p><div><strong>— Ulat ni Arra Perez, ABS-CBN News</strong></div>