Push Admin

Scout ranger natagpuang lumulutang sa ilog sa Iloilo

Article (news)

ABS-CBN News

<p>Wala ng buhay nang matagpuan ang isang Scout Ranger na palutang-lutang sa ilog sa Brgy. Cubay sa bayan ng San Enrique, Iloilo, Lunes ng umaga.</p><p>Nakilala ang biktima na si Sgt. Ronald Bajade, 34, na nakatalaga sa 94th Infantry Battalion sa Negros Occidental.</p><p>Sa imbestigasyon ng San Enrique PNP, noong Agosto 12 huling nakatawag sa kaniyang asawa ang sundalo na pauwi galing sa bayan ng Jamindan, Capiz. </p><p>Noong Agosto 14,, ipina-blotter ng misis ni Bajade na nawawala ang biktima.</p><ul class="op-related-articles">	<li><a href="https://news.abs-cbn.com/news/07/21/22/sundalo-patay-sa-pag-atake-ng-npa-sa-northern-samar">Sundalo patay, 5 sugatan sa pag-atake ng NPA sa Northern Samar</a></li></ul><p>Pinaniniwalaang nalunod ang biktima matapos na tumawid sa isang overflow sa Brgy. Agutayan, bayan ng San Enrique, Iloilo, ayon sa mga awtoridad.</p><p>Nakita sa overflow ang motorsiklo ng biktima at ang cellphone nito.</p><p>Nakatakdang isailalim sa autopsy ang biktima para matukoy ang sanhi ng pagkamatay nito.<strong>—Ulat ni Rolen Escaniel</strong></p><div><strong>KAUGNAY NA BALITA</strong></div><div><iframe allow="accelerometer; autoplay; clipboard-write; encrypted-media; gyroscope; picture-in-picture" allowfullscreen="" frameBorder="0" height="744" src="https://www.youtube.com/embed/XM3o8W91ups" title="Lalaki naanod sa ilog" width="419"></iframe></div>

Pinaniniwalaang nalunod ang biktima matapos na tumawid sa isang overflow sa Brgy. Agutayan, bayan ng San Enrique, Iloilo, ayon sa mga awtoridad.