Push Admin

18 miyembro ng 'kulto', 5 pugante na sangkot sa jailbreak, sumuko sa Davao Oriental

Article (news)

ABS-CBN News

<p>Sumuko sa militar ang limang pugante at 18 na miyembro ng isang umano ng isang religious cult idinadawit sa isang jailbreak sa Mati City, Davao Oriental noong Sabado ng hapon.</p><p>Kabilang sa mga sumuko ang leader ng Pinatikan group na si Cornelio Galon III. Nakumpiska ang kanilang mga patalim.</p><p>Ayon sa Philippine Army, nangyari ang pagsuko dahil isa sa mga member ng Calapagan CAFGU detachment ang kamag-anak ng isa sa mga suspek.</p><p>Sa CCTV footage, makikita ang pagsalakay ng higit 20 na miyembro ng kulto sa Davao Oriental Provincial Rehabilitation and Reformatory Center.</p><p>Makikitang inabangan nila ang pagpasok ng prisoner&#x27;s van sa jail facility, at nang buksan ang gate, nagtakbuhan sila papasok dala ang kanilang mga patalim.</p><p>Ilang minuto ang nakalipas ay napalabas nila ang pitong inmates at nagkapalitan ng putok sa pagitan ng jail guards, kung saan napatay ang isa sa mga sumalakay.</p><p>Wala pang detalye kung ano ang magiging kahihinatnan ng mga sumukong pugante at mga suspek.</p><p>Dalawa pang inmate na pumuga ang pinaghahanap pa rin. </p><div><strong>— Ulat ni Hernel Tocmo</strong></div><div><strong>KAUGNAY NA ULAT</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1680427" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

Sa CCTV footage, makikita ang pagsalakay ng mga miyembro ng kulto sa Davao Oriental Provincial Rehabilitation and Reformatory Center.