Push Admin

Kapayapaan, pagkakaisa, panalangin sa Eid al-Adha

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/08/21/20180821-eid-al-adha-jc.jpg?ext=.jpg"/><figcaption>Nagdadasal ang mga Muslim sa Blue Mosque sa Taguig nitong Martes para sa pagdiriwang ng Eid al-Adha o Feast of the Sacrifice.<em> Jonathan Cellona, ABS-CBN News</em></figcaption></figure></div><p>MAYNILA -- Ipinagdiwang nitong Martes ng mga Muslim sa bansa ang Eid al-Adha o Feast of the Sacrifice sa pamamagitan ng pagdadasal at pagkatay ng mga baka.</p><p>Bago pa man sumikat ang araw nitong umaga ng Martes, libo-libo na ang nasa Golden Mosque sa Quiapo para mag-alay ng kanilang mga panalangin kay Allah.</p><figure class="op-interactive"><iframe height="315" src="https://www.youtube.com/embed/8cdJBRj40zM?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Ayon kay Sultan Omar Pumbaya, administrador ng Manila Golden Mosque, laman ng kanilang mga dasal ang pagkakaisa ng lahat ng Muslim.</p><p>&quot;Pinagdasal namin na lahat ng Muslim sa buong mundo na magkaisa po, na tanggapin ng Panginoong Allah ang panalangin ng lahat ng kapatid na Muslim,&quot; ani Pumbaya.</p><p>Ayon naman kina Moca Bitumog Papandayan at Abolkhair Saibatol—mga nakaligtas mula sa Marawi siege noong nakaraang taon—ipinagdasal nila ang kapayapaan sa bansa, lalo sa Mindanao.</p><p>&quot;Sana po magkaroon ng kapayaapan sa Pilipinas especially sa Mindanao. Sana matanggal na ang mga hindi pagkakaunawaan,&quot; ani Saibatol.</p><p>&quot;Mahirap naranasan ko. Hanggang ngayon nararamdaman ko ang sakit, &#x27;yong pagkahuli sa akin muntik na ako barilin,&quot; dagdag naman ni Papandayan.</p><p>Samantala, sa Mindanao, daan-daang baka ang kinatay at ipinamahagi sa mga residente sa Lanao, Marawi, at Iligan.</p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/08/21/20180821-eid-al-adha.jpg?ext=.jpg"/><figcaption>Nasa 400 baka ang kinatay sa Baloi, Lanao Del Norte para ipamahagi sa mga residente kasabay ng pagdiriwang ng Eid al-Adha o Feast of the Sacrifice. <em>Roxanne Arevalo, ABS-CBN News</em></figcaption></figure></div><p>Pinangunahan ng mga organisasyon ng mga dayuhan ang seremonyal na pagkatay sa mga baka.</p><p>Ayon kay Mohammad Rizal ng Turkish-Filipino Friendship and Solidarity Association, taong 2003 nang simulan nila ang pamamahagi ng &quot;qurbani&quot; sa iba-ibang lugar sa bansa.</p><p>Ang &quot;qurbani&quot; ay isang tradisyong Muslim na isinasagawa tuwing Eid al-Adha kung saan sinasakripisyo ang hayop kay Allah at ibinibigay sa mga nangangailangan.</p><p>Sa isang pahayag, ipinaliwanag naman ni Autonomous Region in Muslim Mindanao (ARMM) Assemblyman Zia Alonto Adiong na ang Eid al-Adha ay isang pistang maaaring pagsaluhan ng mga Muslim at Kristiyano.</p><p>&quot;If only we can see through beyond the layers of differences between us and hold on to the optics that binds our faiths together, I dare say, we have so much in common that makes us stronger as a people instead of pointing out the differences that make us weak,&quot; ani Adiong.</p><p>Isa ang Eid al-Adha sa dalawang mahalagang pista ng mga Muslim bukod sa Eid al-Fitr. ​​ <strong>—Ulat nina Ron Gagalac at Roxanne Arevalo, ABS-CBN News</strong></p>

<p>Ipinagdiwang nitong Martes ng mga Muslim sa bansa ang Eid al-Adha o Feast of the Sacrifice sa pamamagitan ng pagdadasal at pagkatay ng mga baka.</p>

Ipinagdiwang nitong Martes ng mga Muslim sa bansa ang Eid al-Adha o Feast of the Sacrifice sa pamamagitan ng pagdadasal at pagkatay ng mga baka.