Push Admin

Mga katutubo nagbigay-pugay kay Gina Lopez

Article (news)

Jeff Canoy

ABS-CBN News

<figure class="op-interactive"><iframe height="315" src="https://www.youtube.com/embed/k3HXFhXJo0c?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Nagbigay-pugay ang ilang katutubo sa ipinakitang pagmamahal ng yumaong si Gina Lopez sa kalikasan, turismo, at mga tao.</p><p>Namatay nitong Lunes ang founder o nagtatag sa ABS-CBN Foundation sa edad na 65 dahil sa multiple organ failure.</p><p>Sa pagsisilbi niya bilang environmental advocate at pilantropo, nabasbasan din ang mga katutubo sa mga hakbang ni Lopez para mapabuti ang kanilang mga komunidad.</p><p>Kanta ang alay ng Blaan Tribal Community and Wellness Village sa Barangay Landan sa Polomolok, South Cotabato kay Lopez dahil sa kabutihang ipinagkaloob nito sa kanila.</p><p>Taong 2017 nang isulong ni Lopez ang pagpapatayo ng Blaan Wellness Village. Hindi pa ito tapos, pero bukas na ito sa mga turista.</p><p>Nagtanim din sila ng Blue Jacaranda tree sa lugar na ipinangalan kay Lopez.</p><p>&quot;Karamihan sa mga Blaan dito ay earth warriors at miyembro ng I LOVE Foundation na tumutulong para lumago ang komunidad at mabigyan ng kabuhayan ang mga indigenous peoples,&quot; ani Nonobert Malit, pinuno ng I LOVE Foundation Polomolok.</p><p>Nagpasalamat din ang mga katutubo sa Palawan at South Cotabato sa pag-promote umano sa kanilang likas na yaman.</p><p>Nakapagtayo ang mga taga-Brooke’s Point ng sariling virgin coconut oil (VCO) factory taong 2014 dahil sa suporta ni Lopez sa produkto.</p><p>Nagpatayo rin ang pilantropo ng Eco-Academy sa Brooke&#x27;s Point at pinaunlad ito para gawing eco-tourism site.</p><p>Kuwento ng katutubo na si Susima Ybañez, namulat sila sa halaga ng pangangalaga sa kalikasan sa mga turo ni Lopez.</p><p>&quot;Kung hindi ito pinaglaban ni Ma&#x27;am Gina Lopez baka wala na ang kabundukan diyan, natibag-tibag na ng mining,&quot; aniya.</p><p>Naging matagumpay rin ang 10 million signatures na &quot;No to mining in Palawan&quot; at naipasara ang dalawang malalaking minahan sa bayan ng Quezon at Narra.</p><p>Nabigyan naman ng trabaho si Bernice Medino ng Dulag, Leyte sa pagtulong sa kanila ng ABS-CBN Lingkod Kapamilya Foundation sa pamamagitan ni Lopez.</p><p>Sila ang namamahala ng San Jose Surf Camp na itinayo sa tulong ng foundation.</p><p>&quot;Kasi sa akin, mas hinahanap ko &#x27;yung mas mae-enjoy ko &#x27;yung trabaho ko kaysa malaki nga &#x27;yung sahod mo, pero hindi mo naman enjoy &#x27;yung trabaho mo,&quot; ani Medino.</p><p>Nakidalamhati naman sa Sitio Lamlifew sa Malungon, Sarangani Province ang mga taga-Blaan Women ng School of Living Traditions.</p><p>Tinulungan umano sila ni Lopez na makapagtayo ng museum, training, at weaving center.</p><p>Nagpasalamat sila sa mga iniwan sa kanila ni Lopez, na nagpabago ng buhay ng maraming katutubo. Pinapadala pa sa Maynila aniya ang mga produkto para maibenta.</p><div><strong>GINA&#x27;S ANGELS </strong></div><figure class="op-interactive"><div id="IVS_ABS_Body_Video_1_Container"><ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1383861" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script></div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p><br/><br/>Samantala, layon ng ilang naiwang katrabaho ni Lopez na ipagpatuloy ang sinimulan nito.</p><p>Kabilang sa mga staff ni Lopez sina Sarah Jane Bulan, Pat Varias, at Celina Therese Rotea, na tinaguriang &quot;Gina&#x27;s Angels.&quot;</p><p>Ramdam daw nila ang kagustuhan na tumulong sa kapwa ni Lopez, na humawak sa ABS-CBN Foundation, Bantay Bata 163, sa Department of Environment and Natural Resources, at iba pa.</p><p>Kilala man si Lopez sa iba&#x27;t ibang papel, hindi alam ng marami na mahilig din siya sa mga larong pambata. Pero ang pinakahilig daw ni Lopez ang kumanta.</p><p>Madalas daw magpa-videoke si Lopez, at niyayaya pa umano ito ang mga security guard na magsilbing judge sa kanila.</p><p>&quot;Ako &#x27;yung kasama niya sa ospital, sabi ko kay ma’am &#x27;see you sa work tomorrow&#x27;. Hinawakan ko na lang siya, nagpasalamat,&quot; mangiyak-ngiyak na kuwento ni Bulan.</p><p>Magkakaroon ng public viewing magmula alas-9 ng umaga hanggang alas-12 ng madaling araw sa ABS-CBN compound mula Agosto 22 hanggang 23.</p><p>Sa halip na mga bulaklak at mass card, hiniling ng pamilya ni Lopez na donasyon na lamang ang ipaabot sa ABS-CBN Foundation.</p><div><strong>-- Ulat nina Jeff Canoy at Rex Ruta, ABS-CBN News</strong></div>

<p>Layon ng ilang naging katrabaho ni Gina Lopez at mga natulungan niya na ituloy ang kanyang mga nagawa. </p>

Layon ng ilang naging katrabaho ni Gina Lopez at mga natulungan niya na ituloy ang kanyang mga nagawa.